Seedorf: Beckham á að fara á HM

Hollendingurinn Clarence Seedorf segir það ekki eiga að vera neitt álitamál hvort David Beckham eigi að fara á HM með Englandi eður ei.

„Það á ekki einu sinni að þurfa að ræða þetta. Vilji hans og metnaður til að spila fyrir enska landsliðið er enn mikill," sagði Seedorf sem lék með Beckham hjá Milan á síðasta vetri og mun líklega gera það aftur eftir áramót.

„Að sjálfsögðu er hann nógu góður. Hann sýndi það hér hjá Milan og mun klárlega sýna það aftur er hann kemur til okkar á ný. Ég efast ekkert um það," sagði Seedorf sem virðist hafa heillast af Beckham líkt og svo margir.