Forbes birtir listann yfir tekjuhæstu fyrirsæturnar

Forbes tímaritið hefur birt lista sinn yfir tíu tekjuhæstu fyrirsætur heimsins á tímabilinu frá því í júní í fyrra og þar til í dag.

Fjármálakreppan hefur haft áhrif á tekjur þessara stúlkna eins og víðast annarsstaðar í tískuheiminum. Meðal annars hefur kreppan leitt til þess að fjölda af tískusýningum hefur verið aflýst frá því í fyrra sumar.

Það er Gisele Bundchen sem nær aftur fyrsta sætinu í ár með tekjur upp á 25 milljónir dollara, eða rúma 3 milljarða kr. Tekjur hennar minnkuð samt um 10 milljónir dollara á tímabilinu þar sem hún tapaði feitum samningi sem hún hafði haft hjá Victoria´s Secret ásamt öðrum samningum.

Í öðru sætinu í ár er Heidi Klum þrátt fyrir að vera orðin 36 ára gömul þriggja barna móðir. Tekjur hennar koma nú aðallega úr sjónvarpi en hún er enn á samningi hjá Victoria´s Secret og hefur virka auglýsingasamninga við félög á borð við Diet Coke, Volkswagen og McDonalds. Tekjur hennar eru áætlaðar 16 milljónir dollara.

Í þriðja sæti er Kate Moss, fyrirsæta sem einnig er komin til ára sinna. Hún er jafnframt sú eina á topp tíu listanum sem eykur við tekjur sínar frá fyrra ári. Moss nýtur góðs af því að hennar eigin fatalína selst mjög vel hjá Topshop og öðrum breskum tískuverslsunum. Tekjur hennar voru áætlaðar 8,5 milljónir dollara.

Rétt á eftir Moss er svo brasilíska fyrirsætan Adriana Lima með tekjur upp á 8 milljónir dollara. Alls eru þrjá stúlkur frá Brasilíu á topp tíu listanum.

Og í fimmta sæti er hin hollenska Doutzen Kroes með tekjur upp á 6 milljónir dollara.

Hægt er að sjá myndir og tekur allra 10 stúlknanna á lista Forbes með því að klikka á linkinn hér:

http://epn.dk/brancher/mode/article1707414.ece