Bandaríkjamaðurinn Darrell Flake mun leika með nýliðum Breiðabliks í Iceland Expressdeildinni næsta vetur. Frá þessu er greint á heimasíðu Kópavogsliðsins.
Flake er 28 ára gamall en undanfarin tvö tímabil hefur hann leikið með Skallagrími. Hann skoraði 23,9 stig að meðaltali í leik í vetur í Iceland Expressdeildinni og hirti 13 fráköst.
Flake hefur einnig leikið með KR og Fjölni. Hjá Breiðabliki mun hann leika aftur með Nemanja Sovic en þeir tveir voru í herbúðum Fjölnis veturinn 2004-2006.
