Ronaldo: Ég sný aftur

Enskir fjölmiðlar segja að Cristiano Ronaldo hafi haft samband við Manchester United í dag og tilkynnt að hann muni mæta aftur til æfinga þann 10. júlí.

Leikmaðurinn fékk þau skilaboð að hann ætti að snúa aftur til félagsins þremur vikum eftir að Portúgal myndi falla úr leik á Evrópumótinu. Ronaldo tilkynnti í dag að hann myndi að sjálfsögðu hlíða því og mæta í undirbúning fyrir næsta tímabil 10. júlí.

Sir Alex Ferguson og hans menn á Old Trafford eru ákveðnir í að gera allt til að halda Ronaldo og þessar fréttir hljóta að kæta þá.