Það var lítið um spennandi leiki í 1. umferð norsku bikarkeppninnar í dag. Íslendingar létu mikið að sér kveða í leikjunum.
Garðar Jóhannsson skoraði tvö marka Fredrikstad sem vann 6-1 sigur á Mysen. Gylfi Einarsson skoraði eitt marka Brann sem vann Loddefjord 4-1 en hann kom inn á í hálfleik. Ólafur Örn Bjarnason lék allan leikinn.
Veigar Páll Gunnarsson skoraði eitt mark fyrir Stabæk sem burstaði Vestfossen 14-0 á útivelli. Theodór Elmar Bjarnason spilaði allan leikinn fyrir Lyn sem sigraði Harstad 6-1 á útivelli.
Þá skoraði Kjartan Henry Finnbogason eitt marka Sandefjord sem vann Kongsberg 4-1.
