Tottenham vann en jafnt hjá Everton

Tottenham vann 2-1 sigur á Wisla Krakow frá Póllandi í UEFA-bikarkeppninni en Everton gerði 2-2 jafntefli við Standard Liege. Báðir leikirnir fóru fram í Englandi.

Dieumerci Mbokani kom Standad yfir strax á níundu mínútu en Yakubu jafnaði metin skömmu síðar. Joseph Yobo varð svo fyrir því óláni að skora sjálfsmark á 39. mínútu en Segundo Castillo skoraði fyrir Everton áður en fyrri hálfleik lauk. Ekkert mark var svo skorað í síðari hálfleik.

Tottenham vann svo sinn fyrsta sigur á leiktíðinni er liðið vann Wisla Krakow, 2-1. David Bentley kom Tottenham yfir á 33. mínútu en Tomas Jirsak jafnaði metin aðeins mínútu síðar.

Darren Bent skoraði svo sigurmark Tottenham á 73. mínútu með skalla eftir laglega sendingu Frazier Campbell.