Læsti forsetann inni á klósetti

Þær undarlegu fréttir bárust úr herbúðum ítalska liðsins Juventus á dögunum að forseti félagsins hefði óvart lokast inni á klósetti í meira en eina klukkustund.

Ítalskir fjölmiðlar eru nú búnir að komast til botns í þessu undarlega máli og í ljós hefur komið að það var leikmaður Juventus, Tiago Mendes, sem læsti forsetann Giovanni Gigli viljandi inni á náðhúsinu.

Þetta gerði portúgalski landsliðsmaðurinn í bræði sinni eftir að honum var tilkynnt að hann væri kominn á sölulista hjá félaginu.

"Það var Tiago sem læsti mig inni á klósettinu og það var Alessendro Del Piero sem brást við köllum mínum og banki og hleypti mér út," sagði forsetinn og bætti við að vonast til þess að Tiago finni sér nýtt félag þó hann sé raunar enn inni í hópnum hjá Claudio Ranieri þjálfara.