Nafnið á meintum morðingja Hrafnhildar

Maðurinn sem grunaður er um morðið á Hrafnhildi Lilju Georgsdóttir heitir Frederick Franklin Genao. Hann er í haldi lögreglunnar í Puerto Plata og er verið að yfirheyra hann um málið.

Auk hans eru í haldi lögreglu þau Kelvin Corniel Fermín sem talinn er vera fyrrum kærasti Hrafnhildar og starfsstúlka á hótelinu, Paola Jimenez Rodriguez.

Samkvæmt fréttavefnum El Nuevo Norte er verið að rannsaka hvort þau síðarnefndu hafi verið í vitorði með meintum morðingja Hrafnhildar.

Í dag er að vænta niðurstaðna lögreglurannsókna sem gætu varpað frekar ljósi á morðið á Hrafnhildi Lilju.

Hrafnhildur var myrt í strandbænum Cabarete í Dóminíska lýðveldinu á sunndagskvöldið síðasta. Hún fannst ekki fyrr en eftir hádegi daginn eftir.

Hún hlaut þungt höfuðhögg sem talið er að hafi dregið hana til dauða. Þar að auki var hún með áverka víðs vegar um líkamann, meðal annars eftir eggvopn.

Lögreglan grunar að Hrafnhildur hafi átti í ástarsambandi við hinn meinta morðingja, Franklin Genao Alias, og að morðið hafi verið "ástríðuglæpur".