Morðrannsóknin stendur enn yfir

Rannsókn á morði Hrafnhildar Lilju Georgsdóttur er ekki enn lokið samkvæmt upplýsingum sem Vísir hefur frá lögreglunni í Dóminíska lýðveldinu. Alþjóðadeild Ríkislögreglustjóra fékk sent skeyti í gær frá Interpool um að rannsóknin væri enn í gangi.

„Við höfum verið í sambandi í gegnum Interpol skrifstofuna í Dóminíkanska og fengum síðast seint í gærkvöldi staðfestingu á því frá þeim sem allir eru búnir að sjá í fréttum og tilkynningu um að okkur verði gerð grein fyrir niðurstöðunni þegar hún liggur fyrir," segir Smári Sigurðsson, yfirmaður alþjóðadeildar Ríkislögreglustjóra, í samtali við Vísi.

Það var á mánudagsmorgun sem Hrafnhildur fannst látin á hótelherbergi sínu, en talið er að hún hafi verið myrt seint á sunnudagskvöldi.Hún fannst inn á herbergi gistiheimilis þar sem hún var framkvæmdastjóri.