Farsímar svipta hulunni af venjum mannanna

Ferðir meira en 100 þúsund farsímanotenda hafa verið kortlagðar í tilraun til að búa til heildræna mynd af ferðum manna. Niðurstöður rannsóknarinnar sýna að manneskjur eru venjubundnar í eðli sínu og heimsækja að mestu leyti sömu örfáu staðina aftur og aftur.

Rannsóknin gæti nýst til þess að koma í veg fyrir sjúkdómafaraldra og spá fyrir um umferð ökutækja segja vísindamenn. Þeir segja einnig að mikil tækifæri geti falist í að rekja símtöl farsímanotenda en áður hafi helst verið notast við GPS-tæki eða skoðunarkannanir til þess að kortleggja ferðamunstur manna. Einnig hefur verið notast við ferðir Bandaríkjadala en þessar aðferðir hafa ekki náð að sýna venjur manna sem skyldi.

Í hvert sinn sem farsímanotandi hringdi eða sendi smáskilaboð var staðsetning farsíma hans skráð niður innan þriggja ferkílómetra svæðis. Rannsakendur vildu ekki uppljóstra hvar rannsóknin hefði verið framkvæmd og sögðu að gerðar hefðu verið öryggisráðstafanir til að tryggja nafnleynd þátttakenda.

Rannsakendur töldu það góðar fréttir að ferðamynstur manna væru svipuð. Ef svo væri ekki og tilraun væri gerð til þess að gera líkan af ferðum manna þyrfti að gera líkan af ferðum hvers og eins í stað þess að gera eitt líkan sem ferðir flesta gætu fallið undir.