Viðskipti innlent

Tekjur ellefu hæstu bankamanna um 4 milljarðar á síðasta ári

Bjarni Ármannsson er einn af fyrrverandi og núverandi bankamönnum sem þénaði meira en 20 milljónir á mánuði á síðasta ári.
Bjarni Ármannsson er einn af fyrrverandi og núverandi bankamönnum sem þénaði meira en 20 milljónir á mánuði á síðasta ári.
Bankamenn báru ekki skarðan hlut frá borði tekjulega séð á síðasta ári ef marka má álingarskrá skattsins sem lögð var fram í gær. Alls voru ellefu tekjuhæstu bankamenn landsins með rétt tæpa fjóra milljarða samtals á síðasta ári og höfðu allir yfir 20 milljónir í mánuði í tekjur.

Hafa skal í huga að tekjur þessara manna eru ekki eingöngu launagreiðslur heldur einnig skattskyldur hagnaður af kaupréttum sem þeir hafa fengið hjá sínum bönkum.

Ellefu tekjuhæstu bankamenn landsins

1. Hreiðar Már Sigurðsson, forstjóri Kaupþings 741,6 milljónir 2. Bjarni Ármannsson, fyrrverandi forstjóri Glitnis 516 milljónir

3. Friðrik Jóhannsson, fyrrverandi forstjóri Straums-Burðaráss 373,2 milljónir

4. Steinþór Gunnarsson, forstöðumaður verðbréfamiðlunar Landsbankans 354 milljónir

5. Lárus Welding, forstjóri Glitnis 318 milljónir

6. Jón Diðrik Jónsson, fyrrverandi forstjóri Glitnis á Íslandi 296,4 milljónir

7. Baldvin Valtýsson, Landsbanknum í London

8. Guðmundur Örn Þórðarson, framkvæmdastjóri Property Group í Danmörku 268,8 milljónir

9. Jón Kristinn Oddleifsson, Landsbankanum 258 milljónir

10. Tómas Kristjánsson, fyrrverandi starfsmaður Glitnis 256,8 milljónir

11. Finnur Reyr Stefánsson, fyrrverandi starfsmaður Glitnis 242,4 milljónir







Skattar og tollar Tekjur

Tengdar fréttir

Hreiðar Már þénaði 62 milljónir á mánuði í fyrra

Hreiðar Már Sigurðsson, forstjóri Kaupþings, þénaði rétt tæpar 62 milljónir króna á mánuði í fyrra samkvæmt tekjublaði Frjálsrar verslunar sem kom út í morgun. Hreiðar Már ber höfuð og herðar yfir aðra Íslendinga.



Mest lesið


Fleiri fréttir

Sjá meira


×

Mest lesið