Leikni tókst ekki að vinna þau þrjú stig sem liðinu stóð til boða í dag en liðið tapaði fyrir KA á heimavelli, 3-2.
Fyrir vikið er Leiknir enn í tíunda sæti deildarinnar með sautján stig, tveimur stigum á undan Njarðvík sem er í ellefta sæti.
Botnliðin tvö, Njarðvík og KS/Leiftur, gerðu fyrr í dag markalaust jafntefli en síðarnefnda liðið er í neðsta sæti deildarinnar með tólf stig þegar þrjár umferðir eru eftir.
Leiknir á eftir að mæta bæði Njarðvík og KS/Leiftri í síðustu tveimur umferðum mótsins og mun fallbaráttan ráðast mikið af þessum leikjum.
KS/Leiftur - Njarðvík 0-0
Leiknir - KA 2-3
0-1 Norbert Farkas (19.)
0-2 Andri Júlíusson (45.)
0-3 Andri Júlíusson (54.)
1-3 Hilmar Árni Halldórsson (56.)
2-3 Halldór Kristinn Halldórsson (66.)
