Boltavaktin: FH - Aston Villa

Klukkan 18.00 hefst leikur FH og enska úrvalsdeildarliðsins Aston Villa en honum verður lýst beint á Boltavakt Vísis og Fréttablaðsins.

Hægt er að komast inn í lýsingu leiksins á forsíðu íþróttavefs Vísis eða í gegnum Miðstöð Boltavaktarinnar sem er á slóðinni visir.is/boltavakt.

Þetta er í fyrsta sinn síðan að KR mætti Everton árið 1995 að enskt úrvalsdeildarlið leikur hér á landi í Evrópukeppninni. Aston Villa varð í sjötta sæti ensku úrvalsdeildarinnar á síðustu leiktíð og vann sér þátttökurétt í UEFA-bikarkeppninni með því að leika í Intertoto-keppninni. Alls komu ellefu lið úr Intertoto-keppninni í UEFA-bikarkeppnina.

Leikurinn er fyrri viðureign liðanna í 2. umferð forkeppni UEFA-bikarkeppninnar. Í fyrstu umferðinni lagði FH lið Grevenmacher frá Lúxemborg, samanlagt með átta mörkum gegn þremur.