Myndband af flugslysinu í Madrid

Spænska blaðið El Pais hefur komist yfir myndband sem sýnir þegar Spanair flugvélin fórst í flugtaki í Madrid hinn 20. ágúst síðastliðinn.

Á myndunum má sjá að vélin kemst aðeins nokkra metra upp í loftið áður en hún skellur til jarðar.

Hún þeytist svo langa vegalengd eftir jörðinni þartil hún lendir úti í skurði. Þá verður mikil sprenging og svartir reykjarbólstrar stíga til himins.

El Pais segir að það hafi átt þátt í slysinu að viðvörunarbúnaður hafi ekki látið flugmennina vita af því að vængbörð vélarinnar voru ekki niðri.

Smellið hér til að sjá myndbandið.