Djurgården stóðst pressuna

Spennan í sænsku úrvalsdeildinni heldur áfram en í dag vann Djurgården 2-0 sigur á Gefle.

Lærisveinar Sigurðar Jónssonar eru því enn á toppi deildarinnar ásamt IFK Gautaborg þegar tvær umferðir eru eftir af deildinni.

Liðin eiga þó ekki eftir að mætast innbyrðis og gæti það reynst dýrmætt að Ragnar Sigurðsson, Hjálmar Jónsson og félagar í Gautaborg eru með betra markahlutfall.

GAIS vann botnlið Brommapojkarna, 2-1, á heimavelli í dag. Jóhann B. Guðmundsson lék fyrstu 59 mínúturnar í liði GAIS en Eyjólfur Héðinsson allan leikinn.