Lilleström sló út Stabæk

Lilleström sló út Stabæk í undanúrslitum norsku bikarkeppninnar og mætir Haugesund í úrslitum.

Þetta er mikil hefnd fyrir Lilleström því Stabæk vann leik liðanna í norsku úrvalsdeildinni um helgina sem um leið gerði út um alla raunhæfa möguleika Lilleström á norska meistaratitlinum.

Þá skoraði Veigar Páll Gunnarsson fyrir Stabæk en hann var ekki á skotskónum í dag frekar en liðsfélagar sínir. Leikar fóru 2-0 fyrir Lilleström.

Hann lék allan leikinn að venju en Viktor Bjarki Arnarsson sat allan tímann á varamannabekk Lilleström.

Haugasund, sem leikur í norsku 1. deildinni, gerði sér lítið fyrir fyrr í dag og sló út úrvalsdeildarlið Odd Grenland í hinum undanúrslitaleiknum.