Ók utan í allt sem fyrir varð

Lögreglan á höfuðborgarsvæðinu sótti mann á heimili hans undir morgun, grunaðan um ölvunarakstur og að hafa margsinnis ekið utan í bíla, grindverk og tré í miðborginni. Vitni gáfu lögreglu upp skrásetningarnúmer bílsins, sem leiddi til handtökunnar.

Að sögn lögreglu er bíllinn beyglaður allan hringinn og líkastur krumpuðum bréfpoka. Ekki liggur fyrir hversu miklu tjóni maðurinn hefur ollið.

Þá stöðvaði lögreglan tvo ökumenn í Reykjavík í nótt, grunaða um að hafa ekið undir áhrifum fíkniefna. Fíkniefni fundust á þeim báðum. Þeir gista fangageymslur og verða yfirheyrðir í dag.