Byrjunarlið Íslendinga gegn Serbum

Sigurður Ragnar Eyjólfsson, landsliðsþjálfari, hefur tilkynnt byrjunarliðið kvennalandsliðsins er mætir Serbum. Leikurinn er liður í undankeppni EM og hefur íslenska liðið unnið báða leiki sína til þessa í riðlinum. Serbneska liðið hefur spilað einn leik og vann hann.

Byrjunarliðið er svo skipað (4-4-1-1)

Markvörður: Þóra B. Helgadóttir

Hægri bakvörður: Sif Atladóttir

Vinstri bakvörður: Guðný Óðinsdóttir

Miðverðir: Katrín Jónsdóttir og Guðrún Sóley Gunnarsdóttir

Hægri kantur: Dóra María Lárusdóttir

Vinstri kantur: Greta Mjöll Samúelsdóttir

Tengiliðir: Edda Garðarsdóttir og Dóra Stefánsdóttir

Sóknartengiliður: Margrét Lára Viðarsdóttir

Framherji: Ásthildur Helgadóttir, fyrirliði

Miðasala á leikinn er hafin á netinu. Miðinn kostar 1000 krónur en frítt er fyrir 16 ára og yngri. Frjálst sætaval er í vesturstúkunni. Einnig er hægt að kaupa miða á Laugardalsvelli í kvöld.

Leiktíminn er nokkuð óvenjulegur að því leyti að leikurinn hefst ekki fyrr en kl. 21:15. Er þessi leiktími kominn til vegna þess að fyrr um kvöldið fer fram setningarathöfn Alþjóðaleika ungmenna á Laugardalsvelli.

Aldrei verður of oft sagt hversu stuðningur áhorfenda getur skipt miklu máli. Vísir vill hvetja landsmenn til þess að mæta og láta stelpurnar finna fyrir stuðningi okkar.