Þjónusta við ópíumfíkla aukin

Þjónusta vegna ópíumfíkla verður aukin í nýjum þjónustusamning heilbrigðis- og fjármálaráðuneytis við SÁÁ. Um er að ræða framlengingu á þjónustusamning við sjúkrasvið samtakanna til ársloka 2007. Fyrri samningur rann út í árslok 2005 en SÁÁ annaðist þjónustu í samræmi við hann til dagsins í dag og hefur fengið greitt samkvæmt ákvæðum samningsins.

Göngudeildarþjónusta verður einnig aukin. Þá er í samkomulaginu gert ráð fyrir 80 milljón króna eingreiðslu til samtakanna til að mæta auknum húsnæðiskostnaði og veikleika í rekstri áranna 2006-2007. Samningurinn verður undirritaður í næstu viku.