Lýsir yfir vonbrigðum með þjóðkirkjuna

Formaður Samtakanna '78 segir vonbrigði að þjóðkirkjan sé ekki tilbúin að leggja hjúskap samkynhneigðra til jafns við gagnkynhneigðra. Tillaga um að þjóðkirkjan fari þess á leit við Alþingi, að lögum verði breytt á þann veg að prestar fái að gefa saman samkynhneigð pör, var felld á Prestastefnu sem lauk í gær.

Tekist var á um tillöguna á Prestastefnu en 22 greiddu atkvæði með henni en 64 voru á móti og tillagan því felld. Hins vegar var samþykkt að prestar fái heimild til að blessa samvist samkynhneigðra en prestar hafa haft þá heimild í um ár.

Formaður Samtakanna '78 segir niðurstöðuna vonbrigði. Frosti segir þá umræðu sem verið hefur um það hvort prestar megi víga í hjónaband samkynhneigð pör, síðustu daga, vonandi vera upphafið að aukinni umræðu í þessa veruna. Umræðan endurspegli miklivægi þess að breyta því fyrirkomulagi sem er í dag og aðrir sjái um að gefa út hjúskaparvottorð en Þjóðkirkjan.