Mikill samdráttur á bandarískum fasteignamarkaði

Sala á íbúðum öðrum en nýjum dróst saman um 8,4 prósent á milli mánaða í Bandaríkjunum í mars. Samdrátturinn á íbúðamarkaði í Bandaríkjunum hefur ekki verið meiri í einum mánuði í 18 ár. Á sama tíma hefur sala á nýjum íbúðum ekki verið minni í tæp fjögur ár. Greinendur segja samdráttinn merki um veika stöðu fasteignamarkaðarins vestra.

Fréttaveitan Bloomberg bendir á samdrátturinn á milli ára nemi 11,3 prósentum og bætir við að fasteignamarkaðurinn í Bandaríkjunum hafi verið á hraðri niðurleið það sem af sé árs. Greinendur eru ekki á einu máli um hvort markaðurinn sé á uppleið því vísbendingar séu upp um að staða efnahagsmála sé veikari en áður. Geti því enn verið von á frekari samdrætti.

Sala á íbúðum nam 6,12 milljónum talsins í mars miðað við 6,68 milljónir í febrúar, samkvæmt upplýsingum frá Samtökum fasteignasala í Bandaríkjunum.