Þrír teknir fyrir ölvun

Þrír ökumenn voru teknir fyrir ölvunarakstur á höfuðborgarsvæðinu í gærkvöldi og nótt. Tveir þeirra voru stöðvaðir í miðborginni. Í fyrra tilfellinu var um konu á sextugsaldri að ræða, en um þrjú leitið stöðvaði lögregla karlmann á fertugsaldri. Þriðji ökumaðurinn, karlmaður á fimmtugsaldri, var tekinn í Kópavogi undir morgun, en hann á einnig von á sekt vegna hraðaksturs. Þá var 16 ára piltur stöðvaður, en sá á nokkra mánuði eftir í sautján ára aldurinn.

Í frétt frá lögreglunni segir að 18 umferðaróhöpp hafi orðið á höfuðborgarsvæðinu síðasta sólarhringinn. Um afstungu var að ræða í fjórum tilfellum.