Framkvæmdaráð Evrópusambandsins hefur lagt fram tillögu að takmörkun á óbeinum auglýsingum í sjónvarpi. Nýju reglurnar myndu banna óbeinar auglýsingar í öllu barnaefni, fréttum, dægurmálaþáttum og heimildarmyndum í sjónvarpi.
Tillaga ráðsins var lögð fram í dag og leggur auk þess til að auglýsingatímar verði takmarkaðir við 12 mínútur á klukkutíma og að ekki megi gera auglýsingahlé oftar en á hálftíma fresti á kvikmyndum, barnaefni, dægurmálaþáttum og fréttum.
