Helstu hlutabréfavísitölur í Asíu náðu methæðum við lokun markaða í dag. Mikillar bjartsýni gætir í Kína fyrir áramótin, sem er fagnað um miðjan febrúar þar í landi.
Hlutabréfavísitalan hækkaði um 3,6 prósent í kauphöllinni í Sjanghæ og lokaði í 2.933,19 stigum en Shenzhen-hlutabréfavísitalan hækkaði um 4,2 prósent og lokaði í 700,20 stigum, sem er met.
Gengi hlutabréfa hækkaði mest eða um 10 prósent í kínverska strætisvagnafélaginu Beijing Bashi og járnbrautafélaginu Daqin Railway.
Þá lokaði Nikkei-hlutabréfavísitalan í Japan í 17.424,18 stigum í kauphöllinni í Tókýó í dag og hefur gengið ekki verið hærra í níu mánuði.
Asískar hlutabréfavísitölur í methæðum
