Úr handboltanum í rokkið 26. maí 2007 14:00 Úr handboltanum í tónlistina. Bjarki Sigurðsson var í hópi bestu handboltamanna úrvalsdeildarinnar áður en hann vatt kvæði sínu í kross og fór að einbeita sér að tónlistinni. MYND/Hörður Tónlistarmaðurinn B.Sig gaf nýverið út sína fyrstu plötu, Good Morning mr. Evening, sem hlotið hefur glimrandi undirtektir og er í 10. sæti Tónlistans yfir mest seldu plötur landsins. B.Sig heitir réttu nafni Bjarki Sigurðsson en spurður um tildrög listamannsnafnsins segir hann að kostirnir hafi einfaldlega ekki verið svo margir. „Bjarka er of líkt Björk og er auk þess nokkuð Idol-legt nafn. Sigurðsson svipar síðan til Mugison, þannig að ég var í svolitlum vandræðum. Vinir mínir kalla mig ýmist B.B. eða B.Sig og þar sem B.B. King er með það fyrrnefnda frátekið varð B.Sig niðurstaðan.“ Einhverjir kannast kannski betur við Bjarka úr handboltanum en hann lék lengi með Val við góðan orðstír. Hann segist hættur í handboltanum í bili en upprunalega voru það alvarleg meiðsli sem urðu til þess að hann fór að einbeita sér meira að tónlistinni. „Ég er sjálflærður og hef verið að grúska með gítarinn frá 12 ára aldri. Á síðustu árum hafa lögin safnast saman og mig langaði einfaldlega að gera eitthvað með þau,“ útskýrir Bjarki en hann semur öll lög og texta á plötunni. Bjarki lærði hljóðvinnslu í Liverpool og er ekki laust við að breskra áhrifa sé að gæta í tónlist hans. Sjálfur lýsir hann tónlist sinni sem melódísku rokki – af gamla skólanum. „Ég myndi segja að ég væri þessi klassíska alæta á tónlist. Átrúnargoðið mitt í gamla daga var Elvis Presley en síðan er Neil Young í miklu uppáhaldi. Innblásturinn kemur því víða.“ Með Bjarka í hljómsveitinni eru bræðurnir Daði og Börkur Birgissynir, áður kenndir við Jagúar, og þeir Kristinn Snær Agnarsson og Ingi Björn Ingason. „Við komum í raun saman hver úr sínu horni og úr varð þessi fína blanda. Ég held að ákveðin spilagleði skíni í gegn á plötunni og þetta var mjög skemmtilegur tími,“ segir Bjarki, en platan var að mestu tekin upp síðasta sumar. Platan er talsvert „hrá“ í hlustun og segir Bjarki að það hafi verið vel meðvituð ákvörðun hans, Daða og Börks, enda unnu þeir náið saman í upptökum plötunnar. „Eftirvinnslan var þannig oft snúin, einmitt vegna þess að okkur langaði að halda í þennan hráleika. Það var stundum erfitt að missa sig ekki í eftirhljóðvinnslu en við náðum að halda henni í algjöru lágmarki.“ Stefnt er á að halda „einhverskonar útgáfupartí“, eins og Bjarki orðar það, um miðjan júní en engin föst dagsetning hefur verið negld niður. Áhugasömum er bent á heimasíðu B.Sig þar sem allar upplýsingar um fyrirhugaða tónleika er að finna. http://www.bsigmusic.com/ http://www.myspace.com/bsigmusic Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Sjá meira
Tónlistarmaðurinn B.Sig gaf nýverið út sína fyrstu plötu, Good Morning mr. Evening, sem hlotið hefur glimrandi undirtektir og er í 10. sæti Tónlistans yfir mest seldu plötur landsins. B.Sig heitir réttu nafni Bjarki Sigurðsson en spurður um tildrög listamannsnafnsins segir hann að kostirnir hafi einfaldlega ekki verið svo margir. „Bjarka er of líkt Björk og er auk þess nokkuð Idol-legt nafn. Sigurðsson svipar síðan til Mugison, þannig að ég var í svolitlum vandræðum. Vinir mínir kalla mig ýmist B.B. eða B.Sig og þar sem B.B. King er með það fyrrnefnda frátekið varð B.Sig niðurstaðan.“ Einhverjir kannast kannski betur við Bjarka úr handboltanum en hann lék lengi með Val við góðan orðstír. Hann segist hættur í handboltanum í bili en upprunalega voru það alvarleg meiðsli sem urðu til þess að hann fór að einbeita sér meira að tónlistinni. „Ég er sjálflærður og hef verið að grúska með gítarinn frá 12 ára aldri. Á síðustu árum hafa lögin safnast saman og mig langaði einfaldlega að gera eitthvað með þau,“ útskýrir Bjarki en hann semur öll lög og texta á plötunni. Bjarki lærði hljóðvinnslu í Liverpool og er ekki laust við að breskra áhrifa sé að gæta í tónlist hans. Sjálfur lýsir hann tónlist sinni sem melódísku rokki – af gamla skólanum. „Ég myndi segja að ég væri þessi klassíska alæta á tónlist. Átrúnargoðið mitt í gamla daga var Elvis Presley en síðan er Neil Young í miklu uppáhaldi. Innblásturinn kemur því víða.“ Með Bjarka í hljómsveitinni eru bræðurnir Daði og Börkur Birgissynir, áður kenndir við Jagúar, og þeir Kristinn Snær Agnarsson og Ingi Björn Ingason. „Við komum í raun saman hver úr sínu horni og úr varð þessi fína blanda. Ég held að ákveðin spilagleði skíni í gegn á plötunni og þetta var mjög skemmtilegur tími,“ segir Bjarki, en platan var að mestu tekin upp síðasta sumar. Platan er talsvert „hrá“ í hlustun og segir Bjarki að það hafi verið vel meðvituð ákvörðun hans, Daða og Börks, enda unnu þeir náið saman í upptökum plötunnar. „Eftirvinnslan var þannig oft snúin, einmitt vegna þess að okkur langaði að halda í þennan hráleika. Það var stundum erfitt að missa sig ekki í eftirhljóðvinnslu en við náðum að halda henni í algjöru lágmarki.“ Stefnt er á að halda „einhverskonar útgáfupartí“, eins og Bjarki orðar það, um miðjan júní en engin föst dagsetning hefur verið negld niður. Áhugasömum er bent á heimasíðu B.Sig þar sem allar upplýsingar um fyrirhugaða tónleika er að finna. http://www.bsigmusic.com/ http://www.myspace.com/bsigmusic
Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Sjá meira