Áhrif frá ýmsum löndum 18. maí 2007 06:00 Guðrún fékk snemma áhuga á framandi matargerð. MYND/GVA Guðrún Kristjánsdóttir kynningarstjóri Listahátíðar hefur mjög gaman af því að elda. Þar sem Listahátíð stendur yfir er mikið að gera hjá henni og hún reynir því að hafa matreiðsluna einfalda og fljótlega þessa dagana. „Ég hef mjög mikla ánægju af að elda,“ segir Guðrún og bætir við að hún reyni að elda að minnsta kosti fimm sinnum í viku. „Svo fer ég í matarboð kannski einu sinni í viku og svona einu sinni í viku út að borða,“ segir hún. Guðrún segist hafa fengið áhuga á matargerð mjög ung. „Mér fannst einhvern veginn að hlyti að vera fleira til í heiminum en sá matur sem boðið var upp á þá þannig að ég fór að skoða ótroðnar slóðir,“ segir hún. Framandi matargerð höfðar mjög til Guðrúnar og hún segist taka tímabil þar sem hún tekur fyrir mismunandi lönd í eldhúsinu. „Núna er ég dálítið mikið í einfaldleikanum því það er svo mikið að gera en mér finnst aðal málið að hafa gott hráefni og ég er búin að læra svolítið inn á það. Ég er svolítið á ítölsku línunnu eftir að hafa farið til rómar í vetur en þá féll ég aftur fyrir ítölskum mat á nýjan hátt. Ég hef líka tekið tímabil þar sem ég hef verið í frönsku, taílensku, kínversku og indversku og ég er aðeins að byrja að þreifa mig áfram með afrískan mat, en mér finnst dálítið skemmtileg kúskús stemmning þar.“ Guðrún segist þó ekki fara á matreiðslunámskeið heldur læra af því að prófa sig áfram. „Ég klóra mig alltaf bara í gegnum matreiðslubækurnar sjálf en ég á mikið og gott safn af matreiðslubókum. Ég kaupi þær gjarnan þegar ég fer til útlanda og úrvalið er náttúrulega alltaf að aukast hér. Ég safna líka talsvert á netinu og er með möppu fyrir uppskriftir á vefnum. Svo ganga náttúrulega uppskriftir á milli skemmtilegra kvenna og ég á uppskriftabók sem ég skrifa í. Hún er ekki mjög fögur að utan en það sem er inni í henni eru alveg dásamlegt,“ segir Guðrún og hlær. Matur Mest lesið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Leggst undir hnífinn vegna brjóstakrabbameins og frestar túrnum Lífið Jón Ólafs og Hildur Vala keyptu í Vesturbænum Lífið Kaupa glæsihús frænku Patriks Lífið Býr beint fyrir neðan barnsmóður sína Lífið Opna Preppbarinn í Keflavík og bjóða 50% afslátt Lífið samstarf Fjölgar í fjölskyldu Maríu Birtu og Ella Lífið Eru smáhrifavaldar að taka yfir markaðinn? Lífið
Guðrún Kristjánsdóttir kynningarstjóri Listahátíðar hefur mjög gaman af því að elda. Þar sem Listahátíð stendur yfir er mikið að gera hjá henni og hún reynir því að hafa matreiðsluna einfalda og fljótlega þessa dagana. „Ég hef mjög mikla ánægju af að elda,“ segir Guðrún og bætir við að hún reyni að elda að minnsta kosti fimm sinnum í viku. „Svo fer ég í matarboð kannski einu sinni í viku og svona einu sinni í viku út að borða,“ segir hún. Guðrún segist hafa fengið áhuga á matargerð mjög ung. „Mér fannst einhvern veginn að hlyti að vera fleira til í heiminum en sá matur sem boðið var upp á þá þannig að ég fór að skoða ótroðnar slóðir,“ segir hún. Framandi matargerð höfðar mjög til Guðrúnar og hún segist taka tímabil þar sem hún tekur fyrir mismunandi lönd í eldhúsinu. „Núna er ég dálítið mikið í einfaldleikanum því það er svo mikið að gera en mér finnst aðal málið að hafa gott hráefni og ég er búin að læra svolítið inn á það. Ég er svolítið á ítölsku línunnu eftir að hafa farið til rómar í vetur en þá féll ég aftur fyrir ítölskum mat á nýjan hátt. Ég hef líka tekið tímabil þar sem ég hef verið í frönsku, taílensku, kínversku og indversku og ég er aðeins að byrja að þreifa mig áfram með afrískan mat, en mér finnst dálítið skemmtileg kúskús stemmning þar.“ Guðrún segist þó ekki fara á matreiðslunámskeið heldur læra af því að prófa sig áfram. „Ég klóra mig alltaf bara í gegnum matreiðslubækurnar sjálf en ég á mikið og gott safn af matreiðslubókum. Ég kaupi þær gjarnan þegar ég fer til útlanda og úrvalið er náttúrulega alltaf að aukast hér. Ég safna líka talsvert á netinu og er með möppu fyrir uppskriftir á vefnum. Svo ganga náttúrulega uppskriftir á milli skemmtilegra kvenna og ég á uppskriftabók sem ég skrifa í. Hún er ekki mjög fögur að utan en það sem er inni í henni eru alveg dásamlegt,“ segir Guðrún og hlær.
Matur Mest lesið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Leggst undir hnífinn vegna brjóstakrabbameins og frestar túrnum Lífið Jón Ólafs og Hildur Vala keyptu í Vesturbænum Lífið Kaupa glæsihús frænku Patriks Lífið Býr beint fyrir neðan barnsmóður sína Lífið Opna Preppbarinn í Keflavík og bjóða 50% afslátt Lífið samstarf Fjölgar í fjölskyldu Maríu Birtu og Ella Lífið Eru smáhrifavaldar að taka yfir markaðinn? Lífið