Lög um einmanaleikann 31. mars 2007 11:00 Tónlistarmaðurinn Teitur er á meðal þeirra færeysku tónlistarmanna sem spila á Nasa í kvöld. Tónlistarmaðurinn Teitur er meðal þeirra sem koma fram á færeyskum degi á Nasa í kvöld. Teitur, sem hefur verið að gera það gott í Danmörku, hlakkar mikið til tónleikanna. Freyr Bjarnason spjallaði við þennan hæfileikaríka pilt. Teitur var nýkominn til Íslands frá Ástralíu þegar blaðamaður ræddi við hann og því varla búinn að jafna sig á löngu ferðalaginu. Þar var hann á vel heppnaðri tónleikaferð til að kynna sína aðra sólóplötu, Stay Under the Stars, sem kom út á síðasta ári. Áður er hann fór til Ástralíu spilaði Teitur á austurströnd Bandaríkjanna, eins og hann hefur gert undanfarin fjögur ár.Spilar með strengjasveitTeitur hlakkar mikið til að spila á Nasa í kvöld. „Ég hef komið tvisvar til Íslands en aldrei spilað. Ég hef heyrt góða hluti frá vinum mínum frá Færeyjum sem hafa spilað þar, þannig að þetta verður gaman,“ segir Teitur. Með honum á tónleikunum verður strengjasveit og flutt verða lög bæði af nýju plötunni og af frumburðinum Poetry & Aeroplanes. Sú plata vakti mikla athygli á Teiti og fékk hún meðal annars fullt hús, fimm stjörnur, í danska tónlistartímaritinu Gaffa.Í umsögninni sagði meðal annars: „Í Færeyingnum Teiti hefur Danmörk eignast söngvara og lagasmið í alþjóðlegum gæðaflokki.“ Miðað við þessi ummæli vilja Danir eigna sér drenginn, sem kemur kannski ekki á óvart ef maður hlustar á Stay Under the Stars. Á henni eru þægilegir og einlægir poppslagarar, þar á meðal hið vinsæla Louis Louis sem komst í fyrsta sæti á iTunes-spilunarlistum í Danmörku.Áhrif frá Eleanor RigbyTeitur segir að nýja platan sé undir miklum áhrifum frá Bítlalaginu sígilda Eleanor Rigby sem kom út 1966 á plötunni Revolver. „Platan byggir aðallega á textabrotinu „All the lonely people – where do they all come from“. Ég reyndi að láta hvert lag fjalla um ákveðna manneskju og einmanaleika hennar,“ segir Teitur, sem játar að vera mikill Bítlaaðdáandi eins og svo margir aðrir. Flakkað um heiminnTeitur, sem er þrítugur, fluttist frá föðurlandi sínu sautján ára. Fyrst um sinn bjó hann í Los Angeles þar sem hann starfaði sem lagasmiður en núna býr hann í London, þó að hann sé reyndar á stöðugum flækingi um heiminn. „Já, ég er búinn að flakka mikið um heiminn og þetta tónleikaferðalag sem ég er á núna hefur verið mjög erfitt og ferðaþreytan situr mikið í manni,“ segir hann.Eftir tónleikana á Nasa er ferðinni heitið til Danmerkur þar sem hann heldur nokkra tónleika og eftir það spilar hann í Bretlandi. Teitur er jafnframt að ljúka við að taka upp plötuna sína á færeysku og kemur hún út í föðurlandinu í maí. Því næst stefnir hann á að taka upp nýja plötu í október. Greinilega nóg að gera hjá okkar manni.Færeyskt stórskotaliðAuk Teits spila á Nasa í kvöld þau Eivör Pálsdóttir, Högni Lisberg, Brandur Enni og hljómsveitin Gestir. Hátíðin hefst klukkan 22.00 og er miðaverð 2.200 krónur. Fer miðasala m.a. fram á midi.is. Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Ævintýrin hófust þegar hann hafnaði Juilliard Tónlist Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira
Tónlistarmaðurinn Teitur er meðal þeirra sem koma fram á færeyskum degi á Nasa í kvöld. Teitur, sem hefur verið að gera það gott í Danmörku, hlakkar mikið til tónleikanna. Freyr Bjarnason spjallaði við þennan hæfileikaríka pilt. Teitur var nýkominn til Íslands frá Ástralíu þegar blaðamaður ræddi við hann og því varla búinn að jafna sig á löngu ferðalaginu. Þar var hann á vel heppnaðri tónleikaferð til að kynna sína aðra sólóplötu, Stay Under the Stars, sem kom út á síðasta ári. Áður er hann fór til Ástralíu spilaði Teitur á austurströnd Bandaríkjanna, eins og hann hefur gert undanfarin fjögur ár.Spilar með strengjasveitTeitur hlakkar mikið til að spila á Nasa í kvöld. „Ég hef komið tvisvar til Íslands en aldrei spilað. Ég hef heyrt góða hluti frá vinum mínum frá Færeyjum sem hafa spilað þar, þannig að þetta verður gaman,“ segir Teitur. Með honum á tónleikunum verður strengjasveit og flutt verða lög bæði af nýju plötunni og af frumburðinum Poetry & Aeroplanes. Sú plata vakti mikla athygli á Teiti og fékk hún meðal annars fullt hús, fimm stjörnur, í danska tónlistartímaritinu Gaffa.Í umsögninni sagði meðal annars: „Í Færeyingnum Teiti hefur Danmörk eignast söngvara og lagasmið í alþjóðlegum gæðaflokki.“ Miðað við þessi ummæli vilja Danir eigna sér drenginn, sem kemur kannski ekki á óvart ef maður hlustar á Stay Under the Stars. Á henni eru þægilegir og einlægir poppslagarar, þar á meðal hið vinsæla Louis Louis sem komst í fyrsta sæti á iTunes-spilunarlistum í Danmörku.Áhrif frá Eleanor RigbyTeitur segir að nýja platan sé undir miklum áhrifum frá Bítlalaginu sígilda Eleanor Rigby sem kom út 1966 á plötunni Revolver. „Platan byggir aðallega á textabrotinu „All the lonely people – where do they all come from“. Ég reyndi að láta hvert lag fjalla um ákveðna manneskju og einmanaleika hennar,“ segir Teitur, sem játar að vera mikill Bítlaaðdáandi eins og svo margir aðrir. Flakkað um heiminnTeitur, sem er þrítugur, fluttist frá föðurlandi sínu sautján ára. Fyrst um sinn bjó hann í Los Angeles þar sem hann starfaði sem lagasmiður en núna býr hann í London, þó að hann sé reyndar á stöðugum flækingi um heiminn. „Já, ég er búinn að flakka mikið um heiminn og þetta tónleikaferðalag sem ég er á núna hefur verið mjög erfitt og ferðaþreytan situr mikið í manni,“ segir hann.Eftir tónleikana á Nasa er ferðinni heitið til Danmerkur þar sem hann heldur nokkra tónleika og eftir það spilar hann í Bretlandi. Teitur er jafnframt að ljúka við að taka upp plötuna sína á færeysku og kemur hún út í föðurlandinu í maí. Því næst stefnir hann á að taka upp nýja plötu í október. Greinilega nóg að gera hjá okkar manni.Færeyskt stórskotaliðAuk Teits spila á Nasa í kvöld þau Eivör Pálsdóttir, Högni Lisberg, Brandur Enni og hljómsveitin Gestir. Hátíðin hefst klukkan 22.00 og er miðaverð 2.200 krónur. Fer miðasala m.a. fram á midi.is.
Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Ævintýrin hófust þegar hann hafnaði Juilliard Tónlist Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira