Mynd um Tinna

Kvikmyndaframleiðandinn Dreamworks, sem er m.a. í eigu Stevens Spielberg, ætlar að gera að minnsta kosti eina kvikmynd um belgísku teiknimyndahetjuna Tinna. Er fyrsta myndin væntanleg í kvikmyndahús eftir um það bil tvö ár.

Ekki er vitað á hvaða bók um Tinna myndin verður byggð en þær eru alls 24 talsins. „Ef fyrsta myndin gengur vel munum við halda áfram með verkefnið,“ sagði Nick Rodwell hjá Herge Studios.

Lengi hefur verið beðið eftir kvikmynd um blaðasnápinn Tinna sem hjálpar fólki og kemur glæpamönnum á bak við lás og slá með aðstoð hundsins Tobba og fleiri vina.