Ég á skilið að fá gullknöttinn

Fabio Cannvaro, leikmaður Real Madrid og ítalska landsliðsins, segist vonast til að ítalskur leikmaður verði sæmdur gullknettinum þegar hann verður afhentur fljótlega, en hann og Gianluigi Buffon markvörður eru báðir tilnefndir.

"Ég myndi gefa tvo gullknetti í ár," sagði Cannavaro í samtali við franska fjölmiðla. "Einn handa mér og einn handa Buffon. Ég er þegar sáttur við að vinna HM í sumar en það yrði sannarlega frábært að fá gullknöttinn líka. Ég vona að það verði ítalskur leikmaður sem fær hann, því það yrði gott fyrir knattspyrnuna á Ítalíu," sagði Cannavaro sem var frábær í hjarta ítölsku varnarinnar á HM í sumar, en hefur ekki byrjað jafn glæsilega hjá Real Madrid.