Allir ráðherrar Sjálfstæðisflokksins þekkjast boð Ómars Ragnarssonar

Allir ráðherrar Sjálfstæðisflokksins hafa þegið boð Ómars Ragnarssonar um að skoða Kárahnjúkasvæðið undir leiðsögn Ómars, að sögn Morgunblaðsins. Þá hafa yfirmenn NFS, Ríkisútvarpsins og Blaðsins einnig þekkst boð Ómars, en frestur til að þiggja það rann út í gær.

Samkvæmt þessu hafa ráðherrar Framsóknarflokksins og ritstjóri Morgunblaðsins ekki þegið boðið. Ómar hefur staðið fyrir kynnisferðum um svæðið í sumar og notar til þess jeppa, flugvél og tvo jafn fljóta.