Endurbætur á Þjóðleikhúsinu að utanverðu eru í fullum gangi. Að sögn Tinnu Gunnlaugsdóttur þjóðleikhússtjóra er stefnt að því að utanhússviðgerðum ljúki næsta sumar og haust.
Þetta er einn af þremur áföngum í viðgerðum á Þjóðleikhúsinu. Fyrsta áfanganum, endurbótum á áhorfendasvæðinu, er lokið. Annar áfanginn eru þessar utanhússviðgerðir en þriðji áfanginn er endurnýjun á tækjabúnaði fyrir aftan tjald og viðbygging til austurs.
Hún segir leikárið hefjast 28. ágúst og þá verði hlýtt og bjart í húsinu þótt það væri helst til hráslagalegt að utan.
