Tveir drengir í haldi lögreglu

Tveir ungir piltar eru í gæsluvarðhaldi í Kent í Bretlandi vegna morðs á sextán ára pilti sem framið var þar á föstudagskvöld. Piltarnir, sem eru sextán og átján ára gamlir, voru handteknir í fyrradag og voru þeir yfirheyrðir í dag.

Fórnarlambið, Michael Chapman, var að leik á krikketvelli nálægt heimili sínu þegar ráðist var á hann og hann barinn til dauða. Talsmaður bresku lögreglunnar segir hana enga hugmynd hafa um ástæður að baki árásinni, ef einhverjar hafi verið, en hvetur alla þá sem vita eitthvað um málið til þess að gefa sig fram.