Gunnar H. besti maður vallarins

Í sænsku úrvalsdeildinni í knattspyrnu náði Djurgarden sex stiga forystu á IFK Gautaborg í gækvöldi. Efstu liðin áttust við og sigraði Djurgarden með þremur mörkum gegn einu. Þegar 22 umferðir eru búnar hefur Djurgarden 46 stig en IFK Gautaborg er í öðru sæti með 40 stig. Kári Árnason var í byrjunarliði Djurgarden en fór af velli á 67. mínútu. Gunnar Heiðar Þorvaldsson var besti maður vallarins þegar Halmstad og Elfsborg gerðu 1-1 jafntefli. Gunnar Heiðar skoraði 11. mark sitt í sænsku úrvalsdeildinni. Frammmistaða hans hefur vakið mikla athygli og nokkuð ljóst þykir að hann verði ekki lengi í röðum sænska liðsins.