Våleringa með 3 stiga forystu

Árni Gautur Arason og félagar í Våleringa í Osló hafa þriggja stiga forystu á Start eftir markalaust jafntefli við Lilleström í gær. Våleringa er með 44 stig en Start, sem mætir Brann í Björgvin í kvöld, getur náð Oslóarliðinu að stigum, takist liðinu að vinna Brann í kvöld. Þessi tvö lið, Våleringa og Start, berjast um titilinn en Víkingur í Stavangri og Lilleström eru í þriðja og fjórða sætinu með 37 stig. Noregsmeistararnir undanfarin ár, Rosenborg í Þrándheimi, eru í bullandi fallhættu eftir 4-1 ósigur gegn Molde á laugardag. Rosenborg er í þriðja neðsta sæti með 21 stig, stigi á undan Bodo Glimt sem er í næstneðsta sæti.