Kjöt í stað jólakorta

Lánasjóður landbúnaðarins hefur í ár ákveðið að verja hluta fjármuna sem ætlaður var til jólaundirbúnings, til kaupa á matvælum til styrktar hjálpar- og líknarstarfi Mæðrastyrksnefndar og Hjálpræðishersins. Stjórnarmenn lánasjóðsins Hjálmar Árnason þingmaður og Hjálmar Jónsson dómkirkjuprestur útdeildu í gær 110 kílóum af kjöti frá Sláturfélagi Suðurlands, en sjóðurinn leitaði til félagsins um samstarf. "Brást félagið hratt og vel við og lagði sitt af mörkum til að gera framlagið myndarlegra en það annars hefði orðið, segir í tilkynningu.