Sneiðum hjá spikinu 17. desember 2004 00:01 Fræða á fólk frekar en að banna því segir Guðrún Þóra Hjaltadóttir næringarráðgjafi og gefur lítið fyrir tillögur Samfylkingarinnar um takmörkun á auglýsingum á óhollum mat. Hún kallar eftir aukinni fræðslu um heilbrigða lífshætti og hvetur landsmenn til að drekka mikið af vatni um jólin svo að saltmagnið í líkamanum verði nú ekki of mikið. Foreldrarnir beri ábyrgðina Nokkrir þingmenn Samfylkingarinnar hafa lagt fram þingsályktunartillögu um takmörkun auglýsinga á óhollri matvöru en eins og rakið hefur verið á síðum þessa blaðs eru skiptar skoðanir um málið. "Mér finnst þetta of seint í rassinn gripið. Ég er þeirrar skoðunar að maður eigi að fræða fólk en ekki að banna því, gefa því heldur kost á að velja," segir Guðrún Þóra Hjaltadóttir, næringarráðgjafi og kennari. Hún neitar því ekki að fyrirtæki eigi að axla sína ábyrgð í þessum efnum en bendir samt á að það sé fyrst og fremst í verkahring foreldranna að ákveða hvað börnin láti ofan í sig. "Þetta er á okkar ábyrgð og mér finnst að við getum ekki alltaf hent þessu út til þjóðfélagsins. Við fæðum börn og svo er eins og allir aðrir eigi að sjá um þau," segir hún. Fræðsluna fyrr Guðrún er ómyrk í máli þegar talið berst að fræðslu um hollan mat og heilbrigða lífshætti en á henni telur hún sáran skort. "Ég held að ef við byrjum strax í leikskólunum að fræða börnin þá erum við að tala fyrir mjög móttækilegum eyrum. Þarna erum við hins vegar ekki með neina markvissa fræðslu." Sama sagan er í grunnskólunum en þar segir Guðrún Þóra lítill áhugi sé á markvissri heimilisfræðikennslu. "Það er til þessi fína námskrá en hins vegar vantar alveg eftirfylgnina, enginn fylgist með hvort farið sé eftir henni. Alltof oft er eingöngu verið að baka kökur og hræra deig." Allt í lagi að syndga smávegis Jólin eru á næsta leyti en þá er sykur-, salt- og fituneysla þjóðarinnar í hámarki. Spikfeitt hangikjötið er hesthúsað í tonnavís og ófáir konfektkassarnir verða tæmdir. Öllu er svo skolað niður með dísætum gosdrykkjum. Guðrún Þóra telur þó ekki ástæðu til að hafa miklar áhyggjur. "Ef þú borðar slíkan mat einn og einn dag skiptir þetta engu máli. Ef þú liggur hins vegar yfir þessu í hálfan mánuð þá er það slæmt. Ef fólk borðar alla jafna hollan mat, sleppir síðan af sér beislinu en tekur síðan upp fyrri hætti þá rjátlast kílóin tiltölulega fljótt af þeim aftur. Líkaminn finnur sitt jafnvægi." Engu að síður er Guðrún Þóra með nokkur góð ráð í handraðanum fyrir landsmenn yfir hátíðarnar. "Ég mæli með því að fólk drekki nóg til að losa saltið úr líkamanum og þá meina ég vatn en ekki sykraða gosdrykki. Síðan er bara að hreyfa sig. Hreyfingin er gífurlega mikilvæg líka," segir hún og bætir því við að varasamt sé að að borða salt dag eftir dag. "Það er ekki gott að borða hamborgarhrygg á aðfangadag, hangikjöt á jóladag og síðan afgangana á annan í jólum, sérstaklega þegar fólk er farið að eldast." Gufusoðnar rjúpur Hvað skyldi svo vera á borðum næringarráðgjafans á aðfangadagskvöld? "Ég hef alltaf haft rjúpur og ætli ég hafi þær ekki bara áfram," segir Guðrún Þóra en hún var með skosku rjúpurnar í fyrra og þótti fínar. "Ég steiki þær og gufusýð, set.leggina í botninn, bringuna niður og smjörklípu og mysuost ofan í og vatn upp að leggjunum. Þannig helst bragðið í rjúpunum," segir Guðrún Þóra Hjaltadóttir næringarráðgjafi. Heilsa Innlent Mest lesið Friðrik Ómar bauð upp á sveppi – og Villi hefði elskað það! Gagnrýni Kossaflens á klúbbnum Lífið Dreymir um að finna fólkið sem gaf hana frá sér Lífið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Finnst við oft gleyma þeim sem geta ekki tjáð sig“ Lífið „Ég hef tapað vinum á því að eiga peninga“ Lífið Enn veldur Britney áhyggjum Lífið Hringdi í mömmu sem sagði einfaldlega: „Nói, nú kemur þú heim“ Áskorun Herra stal hund Sunnevu og mætti með hann í Bannað að hlæja Lífið Fleiri fréttir Fögnuðu Heimsins besta degi í helvíti Markmiðið að græða ekkert og „helst tapa pening“ Heiður að fá að segja sögu kvennanna sem ruddu brautina „Kunna ekki að reikna, kunna svo ekki að skammast sín“ „Stefán er að hengja bakara fyrir að vera ekki smiður“ Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira
Fræða á fólk frekar en að banna því segir Guðrún Þóra Hjaltadóttir næringarráðgjafi og gefur lítið fyrir tillögur Samfylkingarinnar um takmörkun á auglýsingum á óhollum mat. Hún kallar eftir aukinni fræðslu um heilbrigða lífshætti og hvetur landsmenn til að drekka mikið af vatni um jólin svo að saltmagnið í líkamanum verði nú ekki of mikið. Foreldrarnir beri ábyrgðina Nokkrir þingmenn Samfylkingarinnar hafa lagt fram þingsályktunartillögu um takmörkun auglýsinga á óhollri matvöru en eins og rakið hefur verið á síðum þessa blaðs eru skiptar skoðanir um málið. "Mér finnst þetta of seint í rassinn gripið. Ég er þeirrar skoðunar að maður eigi að fræða fólk en ekki að banna því, gefa því heldur kost á að velja," segir Guðrún Þóra Hjaltadóttir, næringarráðgjafi og kennari. Hún neitar því ekki að fyrirtæki eigi að axla sína ábyrgð í þessum efnum en bendir samt á að það sé fyrst og fremst í verkahring foreldranna að ákveða hvað börnin láti ofan í sig. "Þetta er á okkar ábyrgð og mér finnst að við getum ekki alltaf hent þessu út til þjóðfélagsins. Við fæðum börn og svo er eins og allir aðrir eigi að sjá um þau," segir hún. Fræðsluna fyrr Guðrún er ómyrk í máli þegar talið berst að fræðslu um hollan mat og heilbrigða lífshætti en á henni telur hún sáran skort. "Ég held að ef við byrjum strax í leikskólunum að fræða börnin þá erum við að tala fyrir mjög móttækilegum eyrum. Þarna erum við hins vegar ekki með neina markvissa fræðslu." Sama sagan er í grunnskólunum en þar segir Guðrún Þóra lítill áhugi sé á markvissri heimilisfræðikennslu. "Það er til þessi fína námskrá en hins vegar vantar alveg eftirfylgnina, enginn fylgist með hvort farið sé eftir henni. Alltof oft er eingöngu verið að baka kökur og hræra deig." Allt í lagi að syndga smávegis Jólin eru á næsta leyti en þá er sykur-, salt- og fituneysla þjóðarinnar í hámarki. Spikfeitt hangikjötið er hesthúsað í tonnavís og ófáir konfektkassarnir verða tæmdir. Öllu er svo skolað niður með dísætum gosdrykkjum. Guðrún Þóra telur þó ekki ástæðu til að hafa miklar áhyggjur. "Ef þú borðar slíkan mat einn og einn dag skiptir þetta engu máli. Ef þú liggur hins vegar yfir þessu í hálfan mánuð þá er það slæmt. Ef fólk borðar alla jafna hollan mat, sleppir síðan af sér beislinu en tekur síðan upp fyrri hætti þá rjátlast kílóin tiltölulega fljótt af þeim aftur. Líkaminn finnur sitt jafnvægi." Engu að síður er Guðrún Þóra með nokkur góð ráð í handraðanum fyrir landsmenn yfir hátíðarnar. "Ég mæli með því að fólk drekki nóg til að losa saltið úr líkamanum og þá meina ég vatn en ekki sykraða gosdrykki. Síðan er bara að hreyfa sig. Hreyfingin er gífurlega mikilvæg líka," segir hún og bætir því við að varasamt sé að að borða salt dag eftir dag. "Það er ekki gott að borða hamborgarhrygg á aðfangadag, hangikjöt á jóladag og síðan afgangana á annan í jólum, sérstaklega þegar fólk er farið að eldast." Gufusoðnar rjúpur Hvað skyldi svo vera á borðum næringarráðgjafans á aðfangadagskvöld? "Ég hef alltaf haft rjúpur og ætli ég hafi þær ekki bara áfram," segir Guðrún Þóra en hún var með skosku rjúpurnar í fyrra og þótti fínar. "Ég steiki þær og gufusýð, set.leggina í botninn, bringuna niður og smjörklípu og mysuost ofan í og vatn upp að leggjunum. Þannig helst bragðið í rjúpunum," segir Guðrún Þóra Hjaltadóttir næringarráðgjafi.
Heilsa Innlent Mest lesið Friðrik Ómar bauð upp á sveppi – og Villi hefði elskað það! Gagnrýni Kossaflens á klúbbnum Lífið Dreymir um að finna fólkið sem gaf hana frá sér Lífið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Finnst við oft gleyma þeim sem geta ekki tjáð sig“ Lífið „Ég hef tapað vinum á því að eiga peninga“ Lífið Enn veldur Britney áhyggjum Lífið Hringdi í mömmu sem sagði einfaldlega: „Nói, nú kemur þú heim“ Áskorun Herra stal hund Sunnevu og mætti með hann í Bannað að hlæja Lífið Fleiri fréttir Fögnuðu Heimsins besta degi í helvíti Markmiðið að græða ekkert og „helst tapa pening“ Heiður að fá að segja sögu kvennanna sem ruddu brautina „Kunna ekki að reikna, kunna svo ekki að skammast sín“ „Stefán er að hengja bakara fyrir að vera ekki smiður“ Sveppi, Ari Eldjárn og Valdimar minnast Róberts Arnar á tónleikum Sakar rithöfunda um að vilja forðast umræðuna Norræni skálinn á heimssýningunni í Osaka hlaut gullverðlaun Fólk vilji ekki bara sjá þetta á Instagram Með Banksy í stofunni heima Afgangsgler fær nýtt líf á sýningu í HAKK gallerý Segir strákum að hætta í bandarísku efni: „Eins og við séum í málhöltu úthverfi í Nebraska“ Innblástur frá handanheiminum Kynorkan alltumlykjandi hjá óléttu óperusöngkonunni Skortur á viðtengingarhætti hjá Laufeyju sé hluti af stærri þróun Uppselt á fimmtíu sýningar á Línu Langsokk Óbeisluð rómantík á örlagaríku stefnumóti Geislandi Vigdís og gat á skónum sem mátti ekki sjást Leikari, óperusöngvarar og sjómaður vilja stýra óperunni Misvel tekið í gjörning Sverris: „Lokkandi beita fyrir niðrandi ummæli“ eða ást á tungumálinu Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Sjá meira