Góðir skór í íslenska slyddu

Íslenskt veðurfar er ólíkt því sem gerist í flestum öðrum löndum, himnarnir breytast á sekúndubroti og sól og slydda skiptast á.

Þegar fer að kólna og blotna er gott að eiga viðeigandi fatnað sem heldur manni heitum og þurrum og það er alger óþarfi að fara í lummufasann þótt klæðnaðurinn taki mið af veðri.

Timberland-skórnir eru frábærir fyrir íslenska veðráttu og ekki skemmir að þeir eru til í ótal útfærslum og standast ströngustu tískukröfur.

Timberland-fyrirtækið var stofnað árið 1973 upp úr gömlu skófyrirtæki sem einungis framleiddi gróf og sterk leðurstígvél sem aðallega voru seld til verkamanna. Í upphafi voru sterkir vatnsheldir skór aðalsmerki Timberland en í lok áttunda áratugarins var bætt við framleiðsluna bátaskóm og hversdagslegri skóm. Eftir það fór boltinn að rúlla hratt og á níunda áratugnum var komin kvenlína, barnalína, fatalína og fylgihlutir og verslanir fyrirtækisins urðu eins konar lífstílsbúðir sem þær eru enn í dag.

Ein Timberland-verslun er hér á landi, í Kringlunni, og þar er hægt að fá hágæðaskó og fatnað á alla fjölskylduna.