Á toppnum á topplausum 13. ágúst 2004 00:01 Það væri fúll bílasali sem ætti ekki alltaf flottan bíl og alltaf sama bílinn," segir Guðfinnur Halldórsson bílasölueigandi, sem hefur notið sín í botn í blíðunni undanfarið við að aka um á rauða blæjubílnum sínum af gerðinni Mercedes-Benz 500SL. "Það er aðeins ein bílategund í heiminum sem reglulega gaman er að keyra og það er Benz. Ég er búinn að eiga Benz síðan ég var sautján ára gamall og það á ekkert eftir að breytast. Ef efnahagurinn versnar mun ég bara kaupa mér hann aðeins ódýrari," segir hann og hlær. "Ég er búinn að eiga þennan bíl í fjögur ár. Það er gjörsamlega klikkað að keyra um á honum í þessu frábæra veðri sem er búið að vera og það er ekki til betra land en Ísland í góðu veðri því erum með svo hreint og gott loftslag. Fólkið er líka svo hamingjusamt, ánægt og þakklátt fyrir blíðuna sem er alveg stórkostlegt," segir hann. Guðfinnur hefur alla tíð haft mikið dálæti á Benz og kann margar góðar sögur því tengdu. "Fyrir um þrjátíu árum síðan seldi ég hjónum sinn fyrsta Benz. Þá segir konan mér að maðurinn hennar sé búinn að suða í sér að kaupa slíkan bíl en hún hafi alltaf verið treg til þess því hún hafi heyrt að það væri bölvað vesen með þá. En nú ætli hún að láta undan með því skilyrði að hún fengi þvottavél í staðinn. Þegar samningurinn er undirritaður vindur hún sér svo að mér og spyr hvaða vandamál séu eiginlega með þessa bíla. Ég svaraði henni því að það væri aðeins eitt, sem reyndar væri svolítið dýrt vandamál, að þegar fólk væri einu sinni búið að eiga Benz, vildi það ekkert annað. Síðan þá hef ég selt þessum hjónum fimm Benza," segir hann. Þótt Guðfinnur sé á besta aldri eru engu að síður þrjátíu og fjögur ár síðan hann byrjaði að selja bíla. Honum líkar það vel og hefur ekkert hugsað sér að skipta um starf. "Fyrir um tuttugu árum síðan var ég með félaga mínum á bar hérna í borginni og sátum við hjá tveimur huggulegum ungum stúlkum og spjölluðum við þær. Það var verið að tala um það hvað menn væru að gera og svona og þegar ég segist vera Guðfinnur, eigandi bílasölu Guðfinns, segir önnur stúlkan. "Já ég man svo vel eftir þeirri bílasölu því ég fór þangað svo oft þegar ég var lítil stelpa með pabba mínum. Þar með hvarf sénsinn í stúlkuna," segir Guðfinnur og hlær. halldora@frettabladid.is Bílar Mest lesið „Það er alveg hægt að vinna rifrildið, en þá tapar sambandið“ Makamál Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Það væri fúll bílasali sem ætti ekki alltaf flottan bíl og alltaf sama bílinn," segir Guðfinnur Halldórsson bílasölueigandi, sem hefur notið sín í botn í blíðunni undanfarið við að aka um á rauða blæjubílnum sínum af gerðinni Mercedes-Benz 500SL. "Það er aðeins ein bílategund í heiminum sem reglulega gaman er að keyra og það er Benz. Ég er búinn að eiga Benz síðan ég var sautján ára gamall og það á ekkert eftir að breytast. Ef efnahagurinn versnar mun ég bara kaupa mér hann aðeins ódýrari," segir hann og hlær. "Ég er búinn að eiga þennan bíl í fjögur ár. Það er gjörsamlega klikkað að keyra um á honum í þessu frábæra veðri sem er búið að vera og það er ekki til betra land en Ísland í góðu veðri því erum með svo hreint og gott loftslag. Fólkið er líka svo hamingjusamt, ánægt og þakklátt fyrir blíðuna sem er alveg stórkostlegt," segir hann. Guðfinnur hefur alla tíð haft mikið dálæti á Benz og kann margar góðar sögur því tengdu. "Fyrir um þrjátíu árum síðan seldi ég hjónum sinn fyrsta Benz. Þá segir konan mér að maðurinn hennar sé búinn að suða í sér að kaupa slíkan bíl en hún hafi alltaf verið treg til þess því hún hafi heyrt að það væri bölvað vesen með þá. En nú ætli hún að láta undan með því skilyrði að hún fengi þvottavél í staðinn. Þegar samningurinn er undirritaður vindur hún sér svo að mér og spyr hvaða vandamál séu eiginlega með þessa bíla. Ég svaraði henni því að það væri aðeins eitt, sem reyndar væri svolítið dýrt vandamál, að þegar fólk væri einu sinni búið að eiga Benz, vildi það ekkert annað. Síðan þá hef ég selt þessum hjónum fimm Benza," segir hann. Þótt Guðfinnur sé á besta aldri eru engu að síður þrjátíu og fjögur ár síðan hann byrjaði að selja bíla. Honum líkar það vel og hefur ekkert hugsað sér að skipta um starf. "Fyrir um tuttugu árum síðan var ég með félaga mínum á bar hérna í borginni og sátum við hjá tveimur huggulegum ungum stúlkum og spjölluðum við þær. Það var verið að tala um það hvað menn væru að gera og svona og þegar ég segist vera Guðfinnur, eigandi bílasölu Guðfinns, segir önnur stúlkan. "Já ég man svo vel eftir þeirri bílasölu því ég fór þangað svo oft þegar ég var lítil stelpa með pabba mínum. Þar með hvarf sénsinn í stúlkuna," segir Guðfinnur og hlær. halldora@frettabladid.is
Bílar Mest lesið „Það er alveg hægt að vinna rifrildið, en þá tapar sambandið“ Makamál Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira