Hraustir starfsmenn fá verðlaun

Breska póstþjónustan hefur tekið upp á frekar óvenjulegri aðferð til að hindra það að starfsfólk taki sér veikindafrí úr vinnu. Nú býður póstþjónustunan upp á verðlaun fyrir hraustu starfsmennina. Starfsmenn sem mæta alltaf til vinnu og taka sér ekki veikindafrí geta unnið nýjan bíl eða frí í happdrætti. Eina skilyrðið er að hafa mætt í sex mánuði samfleytt í vinnuna. Þetta er tilraun til að fækka árlegum veikindadögum sem nú eru tólf að meðaltali á hvern starfsmann. Veikindafrí kostaði breska efnahaginn 11,6 milljarða punda á síðasta ári og voru heildarveikindadagar 176 milljarðar talsins.