Hvar eru fermingarpeningarnir?

Ari Másson Fermdist í Dómkirkjunni 4. apríl "Ég setti allt inn á bankareikning og er ekki búinn að eyða neinu nema í plötu á hjólabrettið mitt. Ég ætla að nota peninginn til að kaupa mér bíl eða íbúð eða eitthvað þegar ég er orðinn stór." Harpa Ásgeirsdóttir Fermdist í Hjallakirkju 28. mars "Ég notaði eitthvað 20 þúsund til að kaupa mér dvd-diska og föt en mamma setti afganginn í verðbréf. Ég ætla að taka peninginn út þegar hann er orðinn nógu mikill." Guðrún Finnsdóttir Fermdist í Hjallakirkju 4. apríl "Ég tók með mér 10 þúsund þegar ég fór til London með vinkonu minni og fjölskyldunni hennar. Svo keypti ég mér gallabuxur, úr og krumpustígvél en setti restina inn á banka. Ég gæti hugsað mér að taka hann út eftir svona tvö til þrjú ár." Harpa Björt Guðbjartsdóttir Blessaðist í Krossinum 2. maí "Ég er búin að kaupa mér buxur en er bara að spara peninginn þar til ég fer til Danmerkur að keppa í fótbolta. Ég ætla að eyða hluta af honum þar en restina geymi ég þar til ég er orðin eldri." Bent Andersen Fermdist í Hjallakirkju 28. mars "Ég keypti mér gsm síma fyrir tuttugu þúsund en er ekki búin að eyða meiru. Ætli ég leggi það ekki inn á banka svo ég geti keypt mér bíl."