Skoðun

Vilt þú að Ís­land á­byrgist 250 ma.kr. af skuldum ESB?

Eiríkur S. Svavarsson skrifar

Mjög alvarleg skuldastaða Evrópusambandsins hefur lítið rými fengið í allri umræðunni fyrir komandi þjóðaratkvæðagreiðslu. Í henni felst veruleg áhætta fyrir Ísland verði landið aðildarríki að sambandinu. Samkvæmt 47. gr. Lissabon-sáttmálans (SESB), grunnlöggjöf ESB, er sambandið sjálfstæð lögpersóna. Það þýðir að ESB getur sem slíkt gert alþjóðlega samninga, gerst aðili að alþjóðastofnunum en jafnframt stofnað til skulda í eigin nafni. Ákvæðið kom til sögunnar með sáttmálanum sem tók gildi 1. desember 2009. Mikilvægt er að greina á milli skulda aðildarríkja ESB og þess sjálfs. Aðildarríkin eru ábyrg fyrir sínum skuldum, eins og 125. gr. sáttmálans (SSESB) felur í sér, en sambandið getur sjálft stofnað til skulda að uppfylltum ákveðnum formskilyrðum.

Skoðun

Hver er munurinn fyrir vinstrið á EES og ESB?

Jökull Sólberg Auðunsson skrifar

Á Íslandi er mikill hagvöxtur, há laun, há verðbólga og háir vextir. Á evrusvæðinu er þessu öfugt farið – minni hagvöxtur, lægri laun, lítil verðbólga og lágir vextir. Í aðdraganda þjóðaratkvæðagreiðslunnar í ágúst eru margir væntanlega farnir að velta fyrir sér hvor „stakkurinn“ er illskárri. Þetta er eins og Morpheus í Matrix - hann spyr hvort þú viljir taka ESB pilluna, þaðan sem aldrei verður snúið. Hvernig á fólk að geta vegið þessa þætti og komist að niðurstöðu? Þó það kosti kannski örlítið meira atvinnuleysi og minni hagvöxt er mögulega betra að taka upp evru til að svæla út verðtrygginguna og fá a.m.k. lægri vexti? Eða akkúrat öfugt? „Æ ég pæli í þessu seinna eða tek þetta á tilfinningunni.“

Skoðun

Við viljum ekki ganga í ESB

Jón Ívar Einarsson skrifar

Íslendingar ganga til þjóðaratkvæðagreiðslu 29. ágúst. Spurningin sem Alþingi samþykkti hljóðar svo: „Á Ísland að hefja á ný aðildarviðræður við Evrópusambandið?“ Því er gjarnan haldið fram að hér sé aðeins verið að „kíkja í pakkann“. Viðræðurnar séu nánast áhættulaus upplýsingaöflun og þjóðin geti einfaldlega sagt nei síðar ef niðurstaðan reynist óhagstæð.

Skoðun

Rauða rútan er mætt! Varist rauðu rútuna

Þórður Snær Júlíusson skrifar

Eitt frægasta dæmið um villandi pólitísk skilaboð í Brexit-herferðinni árið 2016 var rauða rútan sem Vote Leave, bresku útgáfunnar af Áfram Ísland-félagsskapnum, sem á stóð: „We send the EU £350 million a week. Let’s fund our NHS instead.“ Skilaboðin voru einföld og áhrifarík: Bretar gætu hætt að senda 350 milljónir punda á viku til Brussel og varið peningunum þess í stað í heilbrigðiskerfið. Þau voru líka lygi.

Skoðun

Er EES bið­stofa eða enda­stöð?

Hugleiðingar eftir lestur bókar Carls og Lauru Melusine Baudenbacher. Það er ekki oft sem erlendur lögfræðingur vekur umtalsverða athygli í íslenskri stjórnmálaumræðu. Það á þó við um Carl Baudenbacher, fyrrverandi forseta EFTA-dómstólsins, sem á undanförnum misserum hefur tjáð sig með afdráttarlausum hætti um fyrirhugaða þjóðaratkvæðagreiðslu um aðildarviðræður við Evrópusambandið.

Skoðun

Að vinna rök­ræður án rök­semda, Þekkir þú Gish gallop tæknina?

Guðni Freyr Öfjörð skrifar

Það hefur verið áhugavert að fylgjast með opinberri umræðu undanfarin ár og greina ákveðið mynstur sem endurtekur sig í viðtölum, hlaðvörpum og kappræðum. Hvort sem það er í stjórnmálum, hlaðvörpum eða á samfélagsmiðlum, þá er ákveðinni rökræðutækni beitt óspart, stundum af yfirlögðu ráði en oft líka ómeðvitað.

Skoðun

Þegar kenni­vald kemur í stað raka

Sigurður Sigurðsson skrifar

Morgunblaðið birti 15. ágúst stóra grein eftir Carl Baudenbacher, fyrrverandi forseta EFTA-dómstólsins, undir fyrirsögninni „Sjálfstraust Íslands og hræðslupólitíkin fyrir þjóðaratkvæðagreiðsluna um ESB“. Baudenbacher er virtur lögfræðingur með langan akademískan feril og mikla reynslu af EES-rétti. Þess vegna á að hlusta á hann.

Skoðun

Sjálf­stæðis­bar­áttan hættir aldrei

Anton Kristinn Guðmundsson skrifar

Fyrsti hlekkurinn í ófrelsisfjötrum Íslands brast þegar einokunarverslun Dana var afnumin árið 1787. Þá var Ísland fátækt og vanmáttugt land undir erlendri stjórn og fáir hefðu líklega þorað að sjá fyrir sér sjálfstætt íslenskt lýðveldi. En með afnámi einokunarverslunarinnar hafði verið stigið mikilvægt skref á langri leið þjóðarinnar til sjálfstæðis.

Skoðun

„Ég er bara að vera hrein­skilinn“

Sigurður Árni Reynisson skrifar

Ég hef lengi talið heiðarleika vera einn af mikilvægustu eiginleikum manneskjunnar, að segja satt, standa með því sem maður segir og fela sig ekki á bak við kurteisi eða þögn. Mér hefur jafnvel fundist ákveðið hugrekki felast í því að þora að segja það sem aðrir hugsa en láta ósagt.

Skoðun

Lífs­gæði og sam­heldni ís­lenskrar þjóðar

Bjarni Herrera skrifar

Að keyra 8.000 kílómetra á vegum Evrópu í sumar gaf mér góðan tíma til að velta fyrir mér vegakerfinu á Íslandi. Leiðin lá frá Ósló til Marbella og til baka. Spænsku vegirnir voru þeir bestu og Autobahn Þjóðverja var mun verri en ég bjóst við.

Skoðun

Loddaralist í að­draganda 29. ágúst

Daði Freyr Ólafsson skrifar

Þessa dagana berst dreifiefni inn um póstlúgur landsmanna frá báðum fylkingum í Evrópumálunum. Þjóðaratkvæðagreiðslan 29. ágúst snýst formlega um hvort hefja skuli aðildarviðræður, um að „kíkja í pakkann" eins og það er kallað.

Skoðun

Norð­menn eru farnir að horfa á okkur

Baldur Johnsen skrifar

Í síðustu viku söfnuðust norskir ráðherrar, stjórnmálamenn, fræðimenn, atvinnurekendur og verkalýðsleiðtogar saman í Arendal til stærstu pólitísku samkomu landsins. Meðal þess sem þar var rætt var framtíð EES — og óvenju oft kom Ísland við sögu.

Skoðun

Meira en bara reglur og byrðar

Jóna Þórey Pétursdóttir skrifar

Eitt stærsta tækifæri alþjóðasamstarfs liggur í að deila þekkingu og getu til að takast á við áhættu sem ekkert eitt ríki getur ráðið við eitt og sér. Því þetta er ekki bara spurning um eitthvað reglufargan. Þetta er spurning um aukna getu til að takast á við sameiginlegar og alvarlegar áskoranir, eins og á sviði umhverfis- og loftslagsmála.

Skoðun

Þegar fyrr­verandi for­seti stjórnlagadómstóls stærsta hag­kerfis Evrópu varar við því að ríkið sé komið að vendi­punkti er á­stæða til að hlusta

Erna Bjarnadóttir skrifar

Andreas Voßkuhle, sem var forseti þýska stjórnlagadómstólsins á árunum 2010–2020, kallar í nýlegu viðtali við Die Zeit eftir djúpstæðum og skjótum umbótum á þýska ríkinu. Ummæli hans vöktu athygli í þýskum fjölmiðlum og WELT hafði eftir honum 13. ágúst:„Að mínu mati erum við komin að vendipunkti. Ef við breytumst ekki fer illa fyrir okkur.“

Skoðun

Eftir almyrkvann – þakk­læti og stolt

Gerður B. Sveinsdóttir skrifar

Þegar myrkrið skall skyndilega á þann 12. ágúst, eins og slökkt hafði verið á ljósrofa, hugsaði ég óumflýjanlega til þess að undirbúningur okkar fyrir þessar tvær mínútur hófst fyrir rúmlega tveimur árum.

Skoðun

„Voða­lega er hún Anna orðin erfið“

Helena Jónsdóttir skrifar

Fram undan er Gulur september. Á vinnustöðum verða hengdar upp gular slaufur, birt falleg skilaboð um geðrækt og jafnvel boðið upp á gula köku með kaffinu. Allt gott og blessað. En áður en við pöntum kökuna skulum við aðeins tala um hana Önnu.

Skoðun

Um skuldir – og þakkarskuldir

Jón Baldvin Hannibalsson skrifar

Ég heyri utan að mér, að þar sem ég hafi verið staðinn að verki við að hlýða á erindi Dr Carls Baudanbacher á fundi í gamla Sjallanum, hljóti ég að vera genginn í björg andstæðinga Evrópusambandsaðildar. Þá er illa fyrir okkur komið, ef menn mega ekki hlusta á meinta andstæðinga, án þess að kalla yfir sig fordæmingu af einhverju tagi.

Skoðun

Já, vegna allra

Ragnar Thorarensen skrifar

Ég ætla að segja já í þjóðaratkvæðagreiðslunni 29. ágúst. Ekki vegna þess að ég sé sannfærður um að Ísland eigi að ganga í Evrópusambandið eða trúi því að evran leysi allan okkar vanda. Ég hef efasemdir um margt í þessu sambandi.

Skoðun

Brandari dagsins

Einar Helgason skrifar

Eftir að hafa hlustað aftur og aftur á umræður um þetta hættulega Evrópusamband sem einhverjum vitleysingum datt í hug að troða okkur Íslendingum inn í, þá dettur mér hug að segja ykkur brandara sem ég heyrði fyrir löngu síðan.

Skoðun

Það sem aldrei hefur gerst getur hæg­lega gerst aftur!

Ingólfur Sverrisson skrifar

Ofangreind fyrirsögn er til marks um hvert umræðan um hugsanlegt framhald viðræðna við ESB um fulla aðild að samtökunum er komin. Eitt af því sem er fullyrt er að um leið og við samþykkjum að ræða áfram við fulltrúa ESB um hugsanlegan samning séum við komin í aðildarferli sem ekki væri hægt að komast út úr.

Skoðun

Af hverju sjó­menn mættu mögu­lega segja „já“

Kjartan Jónsson skrifar

Þótt aðeins sé verið að kjósa um hvort halda eigi áfram aðilarumsókn okkar þann 29. ágúst, hefur umræðan farið um víðan völl og mikilli orku varið í deilur sem auðvelt er að útkljá með einu einföldu „jái“.

Skoðun

Mest lesið