Viðskipti

Fréttamynd

Græn jól í Kauphöllinni?

Gengi hlutabréfa hefur hækkað eftir að viðskipti hófust í Kauphöll Íslands í dag. Athygli vekur að bréf Sláturfélags Suðurlands stukku upp um 8,11 prósent eftir kyrrstöðu í um ár. Einungis ein viðskipti standa að baki hækkuninni.

Viðskipti innlent
Fréttamynd

Mikið tap hjá Morgan Stanley

Morgan Stanley, næststærsti fjárfestingabanki Bandaríkjanna, skilaði 5,8 milljarða dala, jafnvirði 356 milljarða króna, tapi á fjórða ársfjórðungi. Þetta er talsvert verri afkoma en búist var við. Til samanburðar hagnaðist bankinn um 2,28 milljarða dala á sama tíma í fyrra.

Viðskipti erlent
Fréttamynd

Lítið lát á fallinu

Gengi bréfa í Existu og SPRON hafa fallið um rúmlega fimm prósent það sem af er dags og hefur gengi bréfa í félögunum aldrei verið lægra.

Viðskipti innlent
Fréttamynd

Mánudagsmæða á evrópskum mörkuðum

Gengi hlutabréfa hefur almennt lækkað á fjármálamörkuðum í Evrópu í dag. Helsta ástæðan fyrir því eru spár markaðsaðila þess efnis að mikil verðbólga í Bandaríkjunum, sem var yfir spám, leiði til þess að seðlabanki Bandaríkjanna lækki ekki stýrivexti frekar. Óttast er að slíkt geti leitt til samdráttarskeiðs vestanhafs.

Viðskipti erlent
Fréttamynd

Bréf Atlantic Airways taka loksins flugið

Gengi bréfa í færeyska flugfélaginu Atlantic Airways hækkaði um 0,59 prósent í Kauphöll Íslands í dag. Þetta er jafnframt annar dagurinn sem hluthafar sjá hækkun á gengi þess síðan viðskipti hófust með bréfin hér á landi á mánudag. Það er nú 2,1 prósenti undir upphafsgengi.

Viðskipti innlent
Fréttamynd

Olíudropinn dýrari í dag en í gær

Heimsmarkaðsverð á hráolíu hækkaði lítillega á alþjóðlegum fjármálamörkuðum í dag. Verðið hefur verið á nokkurri uppleið í vikunni í kjölfar þess að olíubirgðir drógust óvænt saman í Bandaríkjunum.

Viðskipti erlent
Fréttamynd

Logn á íslenskum hlutabréfamarkaði

Stemningin á hlutabréfamarkaði hér á landi er í engu samræmi við veðrið en viðskipti eru með rólegasta móti, 21 í fjórum félögum á þeim tæpa hálftíma sem liðinn er frá upphafi viðskiptadagsins.

Viðskipti innlent
Fréttamynd

Sala á hlut í Icelandic Holding Germany afturkölluð

Icelandic Group hf. og Finnbogi A. Baldvinsson hafa komist að samkomulagi um að afturkalla viljayfirlýsingu um sölu á 81 prósents eignarhlut í Icelandic Holding Germany, móðurfélagi Pickenpack Hussmann & Hahn GmbH í Þýskalandi og Pickenpack Gelmer SAS í Frakkland, til hins síðarnefnda.

Viðskipti innlent
Fréttamynd

Atlantic Airways lækkar flugið

Gengi hlutabréfa í færeyska flugfélaginu Atlantic Airways lækkaði um 0,66 prósent í Kauphöll Íslands í dag. Þetta er þriðji dagurinn í röð sem gengi bréfa í bankanum lækkar en viðskipti með bréf þess hófust hér á landi á þriðjudag. Markaðsverðmæti Atorku hækkaði mest skráðra félaga í Kauphöllinni á sama tíma í dag.

Viðskipti innlent
Fréttamynd

Laura Ashley kaupir í Moss Bros

Breska kvenfata- og húsvörukeðjan Laura Ashley hefur keypt rúman þriggja prósenta hlut í bresku herrafatakeðjunni Moss Bros. Baugur, sem er stærsti hluthafi verslunarinnar með tæpan 29 prósenta hlut, hefur verið orðaður við yfirtöku á Moss Bros í vikunni fyrir allt að fimm milljarða króna.

Viðskipti erlent
Fréttamynd

Íbúðalánasjóður hækkar vextina

Íbúðalánasjóður hefur ákveðið að hækka vexti á lánum sínum um 0,20 prósent í kjölfar útboðs íbúðabréfa. Vextirnir eru nú 5,75 prósent á almennum lánum en 5,50 prósent á lánum með ákvæði um sérstaka uppgreiðsluþóknun, að því er segir á vefsíðu Íbúðalánasjóðs.

Viðskipti innlent
Fréttamynd

Færeyingar á báðum pólunum

Gengi hlutabréfa í færeyska olíuleitarfélaginu Atlantic Petroleum hækkaði um 0,11 prósent skömmu eftir upphaf viðskiptadagsins í Kauphöllinni í dag. Þetta er eina félagið sem hefur hækkað enn sem komið er. Landar þeirra í Föroya banka hafa á sama tíma þurft að horfa upp á gengi bréfa í bankanum lækka mest allra skráðra félaga í Kauphöllinni í dag, eða um 1,6 prósent.

Viðskipti innlent
Fréttamynd

Hagvöxtur mældist 4,3 prósent á þriðja ársfjórðungi

Hagvöxtur mældist 4,3 prósent á þriðja ársfjórðungi. Á sama tíma í fyrra mældist hann 0,8 prósent. Á fyrstu níu mánuðum ársins var hagvöxtur hins vegar 2,7 prósent, samkvæmt útreikningum Hagstofunnar. Þjóðarútgjöld jukust um 2,0 prósent, útflutningur um 7,0 prósent og innflutningur um 2,0 prósent. Þá blés í einkaneyslu, sem jókst um 7,5 prósent á milli ára. Fjárfestingar drógust hins vegar saman á milli ára.

Viðskipti innlent
Fréttamynd

SPRON tekur við sér en Færeyingar lækka flugið

Gengi hlutabréfa í Sparisjóði Reykjavíkur og nágrennis (SPRON) hækkaði um rúm 2,7 prósent í Kauphöll Íslands í dag. Færeyska flugfélagið Atlantic Airways er hins vegar ekki í skýjunum en gengi bréfa félagsins hefur lækkað á þeim tveimur dögum sem það hefur verið skráð í Kauphöllina.

Viðskipti innlent
Fréttamynd

Bakkabræður á þeytingi í Kauphöllinni

Gengi hlutabréfa í Existu hefur lækkað um 1,93 prósent í Kauphöllinni eftir að viðskiptadagurinn hófst í dag. Þetta er mesta lækkun dagsins og í öfugu hlutfalli við þróunina í gær þegar gengið hækkaði mest allra skráðra félaga, eða um 4,24 prósent. Þeir Ágúst og Lýður Guðmundssynir, stofnendur Bakkavarar, eiga stærstan hluta í Existu.

Viðskipti innlent
Fréttamynd

AMR í algjöru lágflugi

Gengi hlutabréfa í bandarísku flugrekstrarsamstæðunni AMR, móðurfélagi flugfélagsins American Airlines, eins stærsta flugfélags Bandaríkjanna, hrundi á þarlendum hlutabréfamarkaði í gær og hefur ekki verið lægra síðan árið 2005. FL Group á 1,1 prósenta hlut í félaginu.

Viðskipti innlent
Fréttamynd

Nýr stjóri í brúnni hjá Citigroup

Bandaríski bankinn Citigroup hefur fengið nýjan forstjóra. Sá heitir Vikrum Pandit og tekur við Charles Prince, sem tók poka sinn í nóvember eftir að bankinn greindi frá því að hann þyrfti að afskrifa heila 17 milljarða dala, jafnvirði rúmra eitt þúsund milljarða króna, úr bókum sínum vegna tapaðra útlána.

Viðskipti erlent
Fréttamynd

Exista leiddi hækkanahrinu

Gengi hlutabréfa í Existu hækkaði um 4,24 prósent í Kauphöllinni í dag og stendur í 23,35 krónum á hlut. Þetta var mesta hækkunin í Kauphöllinni en svipuðu máli gegndi um öll hin fjárfestingafélögin og bankana en gengi þeirra hækkað á bilinu 0,65 prósent til 3,94 prósenta, mest í Kaupþingi. Úrvalsvísitalan rauk upp um 2,75 prósent á sama tíma.

Viðskipti innlent
Fréttamynd

Kaupþing hækkar um þrjú prósent

Gengi bréfa í Kaupþingi rauk upp um rúm þrjú prósent við upphaf viðskiptadagsins í Kauphöllinni í dag og leiðir bankinn hækkun Úrvalsvísitölunnar. Á eftir fylgja Exista, sem hefur hækkað um rúm 2,3 prósent, og fleiri bankar og fjárfestingafélög. Einungis gengi bréfa í FL Group hefur haldið áfram að lækka.

Viðskipti innlent
Fréttamynd

Föroya banki undir útboðsgengi

Gengi hlutabréfa í hinum færeyska Föroya banka hefur lækkað um 1,58 prósent frá upphafi viðskipta í Kauphöll Íslands í dag. Gengið stendur nú í 187 krónum á hlut sem er tveimur krónum undir útboðsgengi með bréf í bankanum 21. júní síðastliðinn.

Viðskipti innlent
Fréttamynd

UBS afskrifar 10 milljarða dala úr bókum sínum

Svissneski alþjóðabankinn UBS segist óttast að svo geti farið að hann verði að afskrifa allt að 10 milljarða bandaríkjadala, jafnvirði 617 milljarða króna, vegna tapaðra útlána í tengslum við bandarísk undirmálslán. Á sama tíma hafa stjórnvöld í Síngapúr ákveðið að kaupa hlut í bankanum fyrir svotil sömu upphæð og nemur útlánatapinu.

Viðskipti erlent
Fréttamynd

Forstjóri Coka Cola stígur úr forstjórastólnum

Neville Isdell, forstjóri og stjórnarformaður bandaríska gosdrykkjarisans Coca Cola, ætlar að gefa forstjórastólinn eftir um mitt næsta ári og mun Muhtar Kent, næstráðandi hans, taka við starfinu. Isdell mun eftir sem áður vera stjórnarformaður fyrirtækisins næstu tvö árin.

Viðskipti erlent
Fréttamynd

Óbreyttir stýrivextir á evrusvæðinu

Bankastjórn evrópska seðlabankans ákvað í dag að halda stýrivöxtum óbreyttum í fjórum prósentum. Flestir höfðu reiknað með þessari niðurstöðu þrátt fyrir að verðbólga hafi ekki mælst meiri í sex ár og gengi evrunnar með sterkasta móti. Á móti vegur yfirvofandi ótti manna við minnkandi hagvöxt í skugga lausafjárkreppunnar sem sett hefur skarð í afkomu fjölmargra banka í álfunni.

Viðskipti erlent
Fréttamynd

Óvænt stýrivaxtalækkun í Bretlandi

Englandsbanki, seðlabanki Bretlands, lækkaði óvænt stýrivexti í dag um 25 punkta og verða stýrivextir því eftirleiðis 5,5 prósent. Flestir fjármálasérfræðingar höfðu reiknað með því að bankinn myndi halda vöxtunum óbreyttum en höfðu í æ ríkari mæli hallast að því síðustu daga að bankinn myndi lækka þá í skugga fjármálakreppu og ótta við að dregið gæti úr einkaneyslu í stað þess að halda þeim óbreyttum og sporna gegn því að verðbólga aukist frekar.

Viðskipti erlent
Fréttamynd

FL Group lækkaði um 26 milljarða

Gengi hlutabréfa í FL Group jafnaði sig lítillega við lokun viðskipta í Kauphöllinni í dag eftir 18,18 prósenta fall við upphaf dags. Lægst fór gengið í 15,65 krónur á hlut en endaði í 16,35 krónum. Lækkunin kemur í kjölfar mikilla hræringa innan veggja fyrirtækisins, svosem með brotthvarfi Hannesar Smárasonar, forstjóra FL Group, og hræringum með hlutabréf félagsins. Gengi annarra félaga féll sömuleiðis hratt.

Viðskipti innlent
Fréttamynd

Framleiðni umfram væntingar í Bandaríkjunum

Framleiðni jókst um 6,3 prósent í Bandaríkjunum á þriðja ársfjórðungi, þar af um 0,5 prósent í október, samkvæmt útreikningum bandaríska viðskiptaráðuneytisins. Þetta er talsvert meira en sérfræðingar á fjármálamarkaði höfðu reiknað með en flestir höfðu gert ráð fyrir lítilli sem engri breytingu á milli mánaða.

Viðskipti erlent
Fréttamynd

Bresk eign Baugs og FL Group niður um sextán prósent

Gengi hlutabréfa í bresku herrafatakeðjunni Moss Bros féll um rúm sextán prósent við upphaf viðskiptadagsins í bresku kauphöllinni í dag eftir að fyrirtækið greindi frá því að ólíklegt væri að félagið næði markmiðum sínum á árinu. Unity Investments, félag í eigu Baugs, FL Group og breska fjárfestisins Kevin Stanfords, á nærri 30 prósenta hlut í keðjunni.

Viðskipti innlent
Fréttamynd

FL Group niður um 18 prósent við opnun markaða

Gengi hlutabréfa í FL Group féll um 18,18 prósent skömmu eftir upphaf viðskiptadagsins í Kauphöll Íslands í dag. Þetta er ekkert einsdæmi því SPRON féll á sama tíma um rúm átta prósent, Exista um tæp sjö og Glitnir um tæp fjögur prósent.

Viðskipti innlent

Mest lesið