Golf

Golf

Fréttir og úrslit úr heimi golfsins.

Fréttamynd

Bestu kylfingar heims verða saman í ráshóp í Miami

Forráðamenn PGA mótaraðarinnar í golfi hafa á undanförnum árum forðast það að setja bestu kylfinga heims saman í ráshópa á fyrstu tveimur keppnisdögunum á bandarísku mótaröðinni. Á þessu tímabili hefur PGA breytt um áherslur og spilað út "öllum sínum trompum“ á fyrstu tveimur keppnisdögunum. Á heimsmótinu sem hefst á fimmtudaginn í Miami verður gengið enn lengra þar sem að sex efstu kylfingar heimslistans verða saman í tveimur ráshópum.

Golf
Fréttamynd

Sabbatini sigraði með nýja svarta kúrekahattinn

Rory Sabbatini sigraði á Honda Classic meistaramótinu í golfi en mótið er hluti af bandarísku PGA atvinnumótaröðinni. Hinn 34 ára gamli Sabbatini var með fimm högg í forskot fyrir lokadaginn en hann var einu höggi betri en YE Yang frá Suður-Kóreu. Sabbatini var samtals á 9 höggum undir pari.

Golf
Fréttamynd

Tiger Woods hrapar eins og steinn niður heimslistann

Kylfingar frá Evrópu eru í fjórum efstu sætunum á heimslistanum í golfi og það hefur ekki gerst frá 15. mars árið 1992. Tiger Woods hefur hrapað eins og steinn niður heimslistann á síðustu 12 mánuðum en hann er nú í fimmta sæti. Martin Kaymer frá Þýskalandi er efstur en hann er aðeins annar Þjóðverjinn sem nær þessum áfanga.

Golf
Fréttamynd

Donald sigraði á heimsmótinu í holukeppni

Luke Donald sigraði á heimsmótinu í holukeppni sem lauk í gær í Arizona í Bandaríkjunum en enski kylfingurinn hafði betur gegn Þjóðverjanum Martin Kaymer í úrslitaleiknum 3/2. Fyrir sigurinn fékk Donald um 160 milljónir kr. í verðlaunafé.

Golf
Fréttamynd

Kaymer nýr besti kylfingur heims

Þjóðverjinn Martin Kaymer verður á toppi heimslistans í golfi þegar nýr listi verður kynntur á mánudag. Hann verður þar með besti kylfingur heims og fer upp fyrir Englendinginn Lee Westwood sem verið hefur efstur undanfarna mánuði.

Golf
Fréttamynd

Ótrúlegir yfirburðir hjá Fowler gegn Mickelson

Rickie Fowler sýndi ótrúleg tilþrif á öðrum keppnisdegi á heimsmótinu í holukeppni í golfi í gær þar sem hann "rúllaði“ upp Phil Mickelson í 2. umferð í 32-manna úrslitum. Hinn 22 ára gamli Fowler sýndi enga miskun og vann hinn þaulreynda Mickelson 6 / 5 – sem er stærsti ósigur Mickelson í holukeppni frá upphafi. Ungir kylfingar stálu senunni í gær á þessu sterka móti en Fowler var á 8 höggum undir pari þegar leiknum lauk á 13. holu.

Golf
Fréttamynd

Woods mætir Björn í fyrstu umferð í Arizona

Flestir af bestu kylfingum heims eru mættir til æfinga í Arizona í Bandaríkjunum þar sem að heimsmótið í holukeppni hefst á fimmtudaginn. Tiger Woods er á meðal keppenda og mætir hann Dananum Thomas Björn í fyrstu umferð. Alls eru 64 kylfingar á mótinu og er þeim skipt upp í fjóra riðla og eru 16 kylfingar í hverjum riðli.

Golf
Fréttamynd

Woods baðst afsökunar á því að hafa hrækt á flötina í Dubai

Tiger Woods baðst í gær afsökunar á því að hafa hrækt á flötina á lokadegi Dubai meistaramótsins sem lauk á sunnudaginn. Woods lét góða „slummu“ flakka á meðan hann var að undirbúa sig fyrir pútt og vakti hann ekki mikla lukku hjá forráðamönnum golfíþróttarinnar.

Golf
Fréttamynd

Quiros sigraði í Dubai

Spánverjinn Alvaro Quiros fór með sigur af hómi í Dubai Desert Classic mótinu sem lauk í dag á Evrópumótaröðinni í golfi. Hann lék samtals á 11 höggum undir pari í mótinu og varð einu höggi betri en þeir Anders Hansen frá Danmörku og James Kingston frá Suður-Afríku.

Golf
Fréttamynd

Tiger Woods blandaði sér í baráttuna í Dubai

Tiger Woods blandaði sér í baráttuna á Dubai meistaramótinu í golfi í morgun þegar hann lék á 66 höggum á öðrum keppnisdegi mótsins. Bandaríski kylfingurinn gerði engin mistök og fékk 6 fugla (-1) og hann er samtals á -7 höggum. Suður-Afríkumaðurinn Thomas Aiken er efstur þessa stundina á -10 en fjölmargir kylfingar eiga eftir að ljúka leik í dag.

Golf
Fréttamynd

McIlroy er efstur í Dubai – Tiger er sex höggum á eftir

Rory McIlroy er efstur að loknum fyrsta keppnisdegi á Dubai meistaramótinu í golfi sem er hluti af Evrópumótaröðinni. Hinn 21 árs gamli Norður-Íri lék á 65 höggum eða 7 höggum undir pari og er hann tveimur höggum á undan Spánverjanum Sergio Garcia og Thomas Aiken frá Suður-Afríku.

Golf
Fréttamynd

Ballesteros vill breyta Ryderkeppninni í golfi

Spænski kylfingurinn Seve Ballesteros hefur glímt við erfið veikindi undanfarin ár en hann er enn með sterkar skoðanir á golfíþróttinni þar sem hann var sjálfur í fremstu röð á heimsvísu. Ballesteros er á þeirri skoðun að fjölga ætti keppnisdögunum í Ryderkeppninni og keppnin stæði yfir í fjóra daga og allir 12 kylfingar úr báðum liðum myndu leika á hverjum einasta keppnisdegi.

Golf
Fréttamynd

Ricky Fowler púttar á flötinni með framdekkinu (myndband)

Það blása ferskir vindar á PGA mótaröðinni í golfi þar sem að ungir kylfingar á borð við nýliða ársins 2010, Ricky Fowler, hafa látið að sér kveða. Fowler var m.a. valinn í bandaríska Ryderliðið s.l. haust og mörg stórfyrirtæki hafa gert samstarfssamninga við hinn 22 ára gamla kylfing.

Golf
Fréttamynd

Verður hinn 41 árs gamli Karlsson nýliði ársins?

Robert Karlsson gæti orðið elsti nýliði ársins á PGA mótaröðinn í golfi en hinn 41 árs gamli kylfingur frá Svíþjóð ætlar að einbeita sér að PGA mótaröðinni á þessu ári. Karlsson hefur á undanförnum árum verið í fremstu röð á Evrópumótaröðinn en hann er fluttur með fjölskyldu sína til Norður-Karólínu og ætlar sér stóra hluti á nýjum „vinnustað“.

Golf
Fréttamynd

Jhonattan Vegas stefnir á að bæta met í eigu Tiger Woods

Jhonattan Vegas er ekki þekktasti kylfingur heims en hann hefur vakið gríðarlega athygli á fyrstu mótunum á PGA mótaröðinni í Bandaríkjunum. Vegas, sem er frá Venesúela, er á góðri leið með að slá met sem er í eigu Tiger Woods. Vegas er á góðri leið með að vinna sér inn 2 milljónir dala í verðlaunafé á PGA mótaröðinni með meiri hraða en Woods gerði á sínum tíma.

Golf
Fréttamynd

Watson stóð af sér áhlaup Mickelson á Torrey Pines

Bubba Watson sýndi það og sannaði í gær að hann er á góðri leið með að skipa sér í hóp bestu kylfinga heims þegar hann tryggði sér sigur á Farmer meistaramótinu á PGA mótaröðinni í golfi sem fram fór á Torrey Pines vellinum í San Diego. Fyrir sigurinn fékk Watson um 120 milljónir kr. í verðlaunafé.

Golf
Fréttamynd

Casey vann í Bahrein

Englendingurinn Paul Casey fór með sigur af hólmi á Volvo Golf Champions mótinu sem lauk í Bahrein í dag á Evrópumótaröðinni.

Golf
Fréttamynd

Tiger gerði engin mistök á fyrsta golfhring ársins 2011

Tiger Woods lék vel á fyrsta hringnum á Farmers meistaramótinu á PGA mótaröðinni í golfi í gær en hann fékk þrjá fugla og gerði engin mistök. Woods lék á 69 höggum eða 3 höggum undir pari en hann er samt sem áður í 22.-34. sæti.

Golf
Fréttamynd

Tiger Woods ætlar sér stóra hluti á árinu 2011

Tiger Woods ætlar sér stóra hluti á árinu 2011 en árið 2010 var ekki gott ár hjá kylfingnum. Hann náði ekki að sigra á atvinnumóti í fyrsta sinn frá því hann gerðist atvinnumaður og einkalíf hans var aðalfréttaefnið þar sem upp komst um framhjáhald hans.

Golf
Fréttamynd

Yfirburðasigur hjá Kaymer í Abu Dhabi

Þjóðverjinn Martin Kaymer fór með sigur af hólmi á Abu Dhabi Championship mótinu sem lauk í dag á Evrópumótaröðinni. Kaymer varði þar með titil sinn frá síðasta ári en hann var í algjörum sérflokki og lék á 24 höggum undir pari.

Sport
Fréttamynd

Gulbis og Johnson eru nýjasta „ofurparið“

Bandarísku atvinnukylfingarnir Natalie Gulbis og Dustin Johnson eru nýjasta „ofurparið“ á íþróttasviðinu en Gulbis hefur á undanförnum árum verið einn af „ofurkylfingum“ LPGA kvennamótaraðarinnar.

Sport
Fréttamynd

Úrvalslið Evrópu rúllaði upp Asíu á lokadeginum

Úrvalslið Evrópu sýndi styrk sinn á lokakeppnisdegi Royal Trophy keppninnar gegn úrvalsliði Asíu á Black Mountain vellinum í Taílandi í dag. Evrópa fékk 9 vinninga gegn 7 og varði titilinn en þetta er í fimmta sinn sem keppnin fer fram. Evrópa hefur sigrað fjórum sinnum.

Sport
Fréttamynd

Guðmundur Ágúst á meðal þeirra efstu í Flórída

Kylfingurinn Guðmundur Ágúst Kristjánsson er í baráttunni um sigurinn á sterku móti fyrir yngri kylfinga sem fram fer í Flórída í Bandaríkjunum. Guðmundur Ágúst, sem er klúbbmeistari GR, er í 2.-4. sæti á Junior Orange Bowl meistaramótinu fyrir lokadaginn sem fram fer í dag.

Sport

Mest lesið