Cody Gakpo orðaður við Manchester City

The Athletic greinir frá því að Manchester City hafi áhuga á hollenska leikmanninum. Hann hefur mikið verið orðaður við Tottenham í sumar en ekkert hefur orðið að því ennþá. Liverpool virðist ekki vilja losa sig við Gakpo enda byrjaði hann í fyrsta deildarleiknum gegn Newcastle.

Manchester City er búið að vera duglegt að sækja sér leikmenn í sumar þar sem þrír leikmenn eru nú þegar komnir en fleiri eru á leiðinni. Mögulega mun Gakpo bætast við þá leikmenn sem eru á leiðinni.

Stígandi hjá Gakpo

Gakpo átti frábært tímabil hjá Liverpool 2024-25 en þá skoraði hann átján mörk ásamt því að leggja upp sjö þegar Liverpool varð síðast Englandsmeistari. Hann náði þó ekki alveg að halda sama dampi á síðasta tímabili þar sem hann skoraði aðeins níu mörk.

Gengi Gakpo virðist þó vera að batna þar sem hann skoraði þrjú mörk á heimsmeistaramótinu í sumar fyrir Holland og skoraði í fyrsta leiknum í ensku úrvalsdeildinni.

Það væri gríðarlegt högg fyrir Liverpool ef Gakpo myndi fara frá félaginu og þyrfti félagið að fá einhvern annan í staðinn. Bradley Barcola, leikmaður PSG, hefur mikið verið orðaður við Liverpool í sumar og gæti hann komið í stað Gakpo.

Ef Manchester City ætlar að kaupa Cody Gakpo þarf félagið að búast við að borga meira en 75 milljónir punda fyrir leikmanninn. Hann er mikilvægur fyrir Liverpool og á mikið eftir af samningnum sínum. Auk þess væri hann að fara til keppinauta sem myndi gera það að verkum að hann yrði enn dýrari.