Fyrr­verandi stjarna í enska boltanum hand­tekin

Þessi 39 ára gamla fyrrverandi stjarna Arsenal og Manchester City var handtekinn fyrr í vikunni og yfirheyrður af frönsku lögreglunni vegna peningaþvættis, að því er franska stórblaðið Le Parisien greinir frá.

Franska dagblaðið segir frá því að franska lögreglan hafi farið með Nasri í yfirheyrslu á miðvikudag. Hann er sagður hafa dvalið allan daginn á lögreglustöðinni áður en honum var sleppt síðar.

Nasri er til rannsóknar vegna peningaþvættis í gegnum skipulögð glæpasamtök. Peningaþvættið er talið tengjast næturklúbbnum XS í Frakklandi, sem Nasri er meðeigandi í.

Þetta er ekki í fyrsta sinn sem Nasri kemst í kast við lögin. Í vor var fyrrverandi fótboltastjarnan grunuð um skattsvik í heimalandi sínu.