Haaland orðinn stærri en Manchester City

Hér erum við auðvitað að tala um norsku markavélina Erling Braut Haaland.

Haaland hefur skorað sjö mörk í fyrstu fjórum leikjum sínum á heimsmeistaramótinu, þar af sigurmarkið í 32 liða úrslitum á móti Fílabeinsströndinni og bæði mörkin í 2-1 sigri á Brasilíu í 16 liða úrslitunum. Haaland hefur líka vakið mikla athygli á samfélagsmiðlum fyrir léttleika, gamansemi og að taka vel í alls konar grín með sig og ímynd sína.

Haaland hefur fengið yfir tíu milljónir nýrra fylgjenda á Instagram á örfáum dögum og hefur nú fleiri fylgjendur en Manchester City á þeim miðli.

Manchester City hefur rúmar 56 milljónir fylgjenda en norski framherjinn er kominn með yfir 57 milljónir.

Haaland er jafnframt sá leikmaður Manchester City sem hefur haft flesta fylgjendur á Instagram frá upphafi.