Neitar að róa með Norð­mönnum

Norðmenn hafa vakið athygli á heimsmeistaramótinu í fótbolta þar sem stuðningsmenn eru að róa. Þetta er vitnun í sögu Noregs þar sem víkingar réru milli landa og fóru í víking.

Einn stuðningsmaður vildi ekki taka þátt í róðrinum í stúkunni vegna þess að honum fannst fagnið of líkt víkingaklappi Íslendinga. Það er grundvallarregla að vera ekki að stela fagni frá öðrum.

Íslenskir stuðningsmenn gerðu garðinn frægan bæði á EM 2016 og HM 2018 með víkingaklappinu en róður Noregs byggist á svipuðum forsendum. Slegið er tvisvar í trommuna og svo syngja allir í takt. Munurinn á fagni Noregs og Íslands er að Íslendingarnir klöppuðu á meðan Norðmenn reru.

Þrátt fyrir að þessi tiltekni stuðningsmaður muni ekki taka þátt í róðrinum þá mun Noregur halda áfram að gera það með krafti. Noregur tryggði sig í 32-liða úrslit heimsmeistaramótsins með sigri í gær gegn Senegal.