Einar Bragi í miklu stuði eftir ráð pabba og skrefi frá titlinum

Kristianstad var 19-14 yfir í háflleik og var einnig fimm mörkum yfir þegar leiknum lauk, 34-29.

Einar Bragi naut sín sérstaklega vel og skoraði átta mörk, flest allra í liði Kristianstad, og spurning hvort það hafi hjálpað að hafa pabba á svæðinu undanfarið.

Aðalsteinn Jónsson, pabbi Einars og fyrrverandi atvinnumaður í handbolta, hefur nefnilega verið í Svíþjóð síðustu daga og var nýlentur þegar hann sá Malmö jafna einvígið á laugardaginn.

Í samtali við Kristianstadsbladet var Aðalsteinn með ákveðnar ráðleggingar og benti á að stundum þyrfti kannski að veita Axel Månsson hvíld og að Einar gæti til að mynda komið úr skyttunni á miðjuna af og til.

Hvort sem þau ráð voru nýtt í kvöld eða ekki þá vann Kristianstad að minnsta kosti góðan sigur og getur nú orðið meistari með sigri á útivelli 29. maí. Ef Malmö vinnur þann leik þá mætast liðin í oddaleik í Kristianstad 31. maí.