Birta fallin með Genoa eftir tap í Íslendingaslag

Íris var í byrjunarliði Fiorentina í leik dagsins líkt og íslenska landsliðskonan Hlín Eiríksdóttir. Hjá Genoa var Birta Georgsdóttir í byrjunarliðinu. 

Genoa komst yfir með marki strax á þriðju mínútu en þrjú mörk í röð frá Fiorentina, þar á meðal þriðja markið hjá Írisi Ómarsdóttur komu gestunum frá Flórens í frábæra stöðu skömmu fyrir lok leiksins. 

Alice Söndergaard minnkaði muninn fyrir Genoa undir lok venjulegs leiktíma í stöðuna 3-2 en nær komust heimakonur ekki.

3-2 sigur Fiorentina staðreynd og tapið gerir það að verkum að Genoa er fallið. Fiorentina er með 33 stig í fjórða sæti ítölsku úrvalsdeildarinnar eftir tuttugu og einn leik. Genoa er á botni deildarinnar með 10 stig , fjórum stigum frá öruggu sæti og aðeins þrjú stig í pottinum fyrir liðið.