„Þú varst ekki frekari en ég, það er aldrei að fara að gerast“

Fanndís og Björn voru sérfræðingar Helenu Ólafsdóttur í Bestu mörkunum á Sýn Sport Ísland í gærkvöld.

Í undirbúningnum fyrir þáttinn þurftu þau meðal annars að velja mann leiksins í sigri Þróttar en voru mjög ósammála og stóðu í deilum um það fram á kvöld.

„Jelena [Tinna Kujundzic] er minn maður leiksins. Hún átti frábæra fyrirgjöf, spilaði allar níutíu mínúturnar og skoraði mark. Þinn leikmaður er tekinn út af á 59. mínútu, skoraði ekki og lagði ekki upp. Leikurinn snýst um að skora,“ sagði Fanndís en var þó lauflétt í bragði.

„Ég kaupi allt sem þú segir,“ sagði Björn.

„Ekki í gærkvöldi!“ kallaði þá Fanndís en umræðuna má sjá hér að neðan.

„Jú, jú. Jelena heldur hreinu, skorar og á fyrirgjöf sem leiðir að marki. Mér fannst hins vegar Þórdís [Elva Ágústsdóttir] vera „köngulóinn í miðju netinu“. Það er hægt að senda á hana alls staðar, hún losar pressu og gerir leikmenn í kringum sig mikið betri,“ sagði Björn sem var hissa á að Þórdísi væri skipt út af hálftíma fyrir leikslok, í stöðunni 1-0.

„Ég er mjög sammála þessu. Ég hef spilað með Þórdísi og þetta er allt rétt sem þú segir. Hún er búin að bæta sig í þessu,“ sagði Fanndís en hélt sig við það að Jelena hefði verið maður leiksins.

„Ég var frekari í þetta skiptið,“ sagði Björn sem fékk sínu fram.

„Ég leyfði þér að ráða. Þú varst ekki frekari en ég, það er aldrei að fara að gerast,“ sagði þá Fanndís hlæjandi.

Hægt er að horfa á Bestu mörkin á Sýn+ og í vefsjónvarpi Sýnar.